De Vorsterman Bijbel

§ Dat. xxxi .Capittel.

1

⁺DIt zijn die woorden des conincs Lamuel die ^* visioen) die hem zijn moeder leerde

+ A

* h. leeringe

2

Wat ist, och mijn alderliefste wtuercorene? Wat ist ghi ^* die liefste) mijns lichaems? Wat ist och mine liefste van minen begeerten?

* h. gewenschste sone

3

En gheeft den vrouwen v goeden niet, noch uwen ^* rijcdommen) om die coningen te verdoene.

* th.wech

4

En wilt niet den coningen o Lamuel, en wilt niet geuen den coningen wijn te drincken ⁺

Want daer en is niet heymelijc daer dronckenscap regeert,

+ Dit is van eenigen coninck tot Salomons bispraken bi gheset.

5

Op dat si ter auontueren niet en drincken, ende der rechten vergheten, ende veranderen eenighe sake der allendigher kinderen.

6

Gheeft starcken drancke, den ghenen die ^* bedruct zijn,) ende den wijn den ghenen die ^* bitter van moede) zijn,

* h. vernielt sullen worden

* h. bedroeft van zielen

7

op dat si drinckende haerder armoeden vergheten, ende haers bedroeffenis niet meer en ghedencken.

8

⁺Doet uwen mont open voor die stomme ende voor die sake alder kinderen die verlaten zijn.

+ B

9

Doet uwen mont open, ende oordeelt dat rechtuaerdich is, ende wreect den aellendighen ende den armen.

10

Aleph

⁺ WIe sal een starcke vrouwe vinden? Haeren prijs is ^* verre, ende vanden laetsten palen.)

+ A

* th. edelder dan perlen

11

Beth. Haers mans herte verlaet hem op haer ^* ende hi en sal geen roouen behoeuen)

* h. ende narinringen en sal hem niet gebreken

12

Gimel Si doet hem goet ende gheen quaet, zijn leuen lanck.

13

Daleth. Si ghaet met wolle ende vlas om, Ende arbeydet gheerne met haeren handen.

14

He. Si is ghelijc een coopmans schip, Dat sine broot van verre brengt.

15

Vau. Si stont snachts op, ende ghaf den ^* roof) haeren huysghesinne, Ende spijse haeren deernen.

* th. voetsel

16

Zain.

[p. D3v]

Si mercte na eenen acker, ende cochte dyen, ⁺ Ende plantede eenen wijnberch vanden vruchten haerder handen.

+ C

17

Cheth. Si gorde haere lendenen ^* met starcheyt) ende starcte haere armen.

* th. vaste

18

Thet.

Si geuoelde dat haer hanteringe goet is, haere laterne en sal des nachts niet wt ghedaen worden.

19

Iod. Si strecte haer handen wt tot starcke dinghen, ende haere vingeren aenueerden die spille.

20

Caph Si dede open haere handen totten armen Ende reykede haere hant tot den behoeuenden wt.

21

Lamed. Si en vreest haeren huyse niet voor die couwe vanden sneeu, Want haere geheele huysgesinne heeft tweeder hande cleederen.

22

Mem. Si maecte haer seluen een vercieringe, Witte side ende purpuren is haer cleedt.

23

Nun. Haer man is edel vermaert inder poorten, Als hi sidt bi die raetsheeren des lants

24

Samech. Si maecte eenen lijnen rock, ende vercocht dien, ende den gordel gaf si den ^* Cananeo.)

* th. kremer

25

⁺Ain. Starcheyt ende vercieringe is haer cleet, ende si sal lachen ten laetsten dage.

+ D

26

Phe. Si dede haeren mont der wijsheyt open Ende op haere tonghe is die wet der goedertierenheyt.

27

Zadich. Si mercte op die ganghen haers huys, Ende en adt haer broot niet met lediecheyt.

28

Cuph. Haere sonen stonden op, ende presense zeer salich te zijn, Ende haer man loefdese oock.

29

Res. Vele dochteren verghaderden rijcdom tsamen, Maer ghi gaetse alle te bouen.

30

Sin Ghonste is valsch, ende schoonheyt is ydel, Een wijf die den HEERE vreest, die selue sal ghepresen worden.

31

Thau. Gheeft haer vanden vruchten haerder handen, Op datse haere wercken louen in die poorten.

§ Hier eynt dat boec van Salomons byspraken ende ghelijckenissen, int Latijn Prouerbia Salomonis genaemt