De Vorsterman Bijbel

§ Dat .xxij. Capittel.

1

⁺EEnen goeden naem is kostelijcker, dan veel groote rijcdommen, Ende een gracelike ionste beter, dan siluer ende gout.

+ A

2

Rijcke ende arme zijn ^* malcanderen gemoet) Ende die HEERE heeftse alle beyde ghemaect.

* the. onder malcanderen

3

Die loose siet, dat ongeluck ende verbercht hem, Die ^* onnoosel ghinc voorbi, ende is ghequelt.)

* the. dwase gaen daer vore ende lijden schade

4

Dat eynde der zedicheit is des HEEREN vreese, daer is rijcdom, eere, ende leuen.

5

Wapenen ende ^* swaerden) zijn inden wech des ^* hoouaerdigen) Maer wie zijn ziele verwaert, sal verre van dien gaen

* h. stricken

* th. verkeerden

6

^* Het is een ghemeyn segwoort, Een iongelinck bi sinen wech ghestelt, en sal) daer ooc niet af ghaen als hi out wort.

* th. Onderwijstmen eenen iongelinck sinen wech so en sal hi

7

Die rijcke gebiet ouer die armen, Ende so wie ontleenet, die is des ^* woeckenaers) knecht.

* h. leenders

8

Die onrecht zaeyt, die sal moeyte maeyen, ⁺ Ende sal door die roede zijnder plagen verteert worden.

+ B

9

^* Een die geneycht is tot barmherticheyt) sal gebenedijt worden want hi heeft den armen van sinen broode gheuen.

* theb. Een goede ooge

10

Drijft den spotter wt, so gaet den twist met hem wech, So sullen clagen ende spitighe woorden ophouden.

11

Wie reynichet der herten lief heeft, om die gracieusheyt zijnder lippen, sal hi den coninck te vriende hebben.

12

Die oogen des HEEREN verwaren die konste, Ende die woorden des boosen worden onder die voeten getreden.

13

Die trage seyt, daer buyten is een leew, Ick sal gedoot worden te midden opter straten.

14

⁺Der vremder vrouwen mont, is eenen diepen put, Op wien die HEERE verbolghen is die sal daer inne vallen.

+ C

15

Dwaesheyt is den kinde te samen gebonden int herte, Maer die roede der castijnge salse verre van hem driuen

16

Wie den armen ^* valschelijc beliecht), om dat hi zijn goet soude vermeerderen, Die salt selue ooc eenen rijckeren gheuen, ende gebrec hebben.

* th. onrecht doet

17

Mijn kint, neycht uwe ooren, ende hoort die woorden der wijsen, Stelt v herte na mine leeringen,

18

Die v schoon wesen sal, als ghise sult behouden in uwen buick, ende tsal ^* oueruloeden in) uwe lippen.

* th. v wel afghaen wt.

19

Op dat uwe hope si opten HEERE,

20

Hierom heb icse v huyden gethoont. Siet, ick hebse v ^* in driederhande manieren beschreuen, in gedachten, ende konste.)

* th. menichfout voorgescreuen door raet ende kennis.

21

Op dat ick v soude thoonen die vasticheit ende die wtspraken, der waerheyt, dat ghi hier wt sout antwoorden, den [kolom] ghenen die v ghesonden hebben.

22

En doet den armen gheenen ouerlast, om dat hi arm is, Ende en verdruct den behoeuenden niet, inder poorten.

23

Want die HEERE sal zijn sake oordeelen, ⁺ ende sal doorbooren die ghene, die zijn ziele doorboordt hebben.

+ D

24

En wilt gheen vrient wesen, den toornigen man, ende en wandelt ooc niet met eenen rasenden man.

25

Op dat ghi messchien zijn wegen niet en leert, ende uwer zielen verargeringhe ontfaet.

26

En wilt niet zijn met die ghene die haer handen vestigen, ende voor schult borghe te worden hen ouergheuen.

27

Want ist dat ghijt niet en hebt te betalen, ^* wat saken ist, datmen v decsel van uwen bedde wt v slaepcamer wech neme?)

* the. So salmen uwe bedde onder v wech nemen

28

En ^* gaet niet ouer) die oude palen, die uwe vaders ghestelt hebben.

* the. dringt niet achterwaerts

29

Siet ghi, eenen man rasch in sinen wercke, die sal voor die coningen staen, ende en sal niet voor die onedele staen.

§ Hoemen metten princen brassen sal, van konste ende kennisse te middelen, metten onsuyueren niet te eten, vanden acker der weesen, van een kint te onderwisen, van die dronckenschap.