De Vorsterman Bijbel

§ Dat .xxi. Capittel.

1

⁺DEs conincs herte is alsoo in die handt des HEREN, gelijc die ^* deylingen) der wateren, ende hi salt neygen waerwaerts hi wilt.

+ A

* the. beken

2

Elcken mensche dunct sinen wech recht zijn, maer die HEERE ^* weget) die herten.

* tgeb. drijft

3

Doen ontfermherticheit ende oordeel is den HEERE lieuer, dan offerhande.

4

^* Verheffinge der ooghen ende verbreydinge der herten) ende die laterne der ongodliker is sonde.

* th. houaerdige oogen ende stouten moet

5

Die opsetten des ^* stercken) zijn altoos in oueruloedecheit, maer alle trage is in gebreck.

* th. naerstighen

6

Die schatten vergaert metter logenen tongen, die is ^* ydel ende sonder herte, ende sal ghestooten worden, tot die stricken des doots.)

* th. sal falen ende vallen ende onder dye dooden soecken

7

Die roouen der ongodlijcker sullen-[kolom]se nedertrecken, want si en wilden ^* geen oordeel doen.)

* thebr. niet doen dat recht was

8

Eenen verkeerden wech des mans is veruremt, Maer wie reyn is dies werck is recht.

9

⁺Het is beter te sitten inden hoecke des huys, dan bi een kijfachtige vrouwe in een ^* gemeyn) huys.

+ B

* thebr. wijt

10

Die ziele des ongodlijcken, wenschet arch, Ende en sal den naesten niet barmhertich wesen.

11

Als die ^* quade gestraft woort, so sal die cleyne wijser wesen, Ende volcht hi die wijsen na, so sal hi kennisse ontfanghen.

* h. spotter ghestraft wort, soo worden die cleyn wijs Ende alsmen eenen wisen onderrecht, soo neemt hi bescheydentheyt aen. Die rechtuaerdighe onderwijst des ongodliken huys, Maer die ongodlike houden totten archsten.

12

Die rechtuaerdige denct vanden huyse des ongoddelijcken, Op dat hi die ongodlijcke af soude trecken vanden quade)

13

Die zijn oore verstoppet voor dat crijschen der armen, die sal oock roepen ende niet verhoort worden,

14

Een heymelijcke gaue stillet die gramscap, ende een geschencke inden schoot die meeste verbolgentheyt.

15

Het is den rechtuaerdigen een blijscap, te doen rechtuaerdich oordeel, Maer een vreese den quaetdoenders.

16

Een mensche die vanden wech der leeringen dwaelt, die sal bliuen woonen in die ^* scare der ruesen.)

* thebre. ghemeynte der dooden

17

Wie ^* lecker spijse bemint), die sal ghebreck lijden, Ende wie wijn ende vetticheden bemint, en sal niet rijck worden.

* the. gheerne vrolijc is.

18

Die ongodlijcke moet voor den oprechten gegheuen worden, ende die boose voor die oprechte.

19

Het is beter woonen in woesten lande, ⁺ Dan bi een kijfachtige ende toornige vrouwe.

+ eccle. xxi.c.

20

⁺Inden huyse des wijsen is eenen begeerlijcken scat ende olye, Maer een sot slaet die onnuttelijcken door.

+ C

21

Wie der rechtuerdicheyt ende barmherticheyt volcht, Die vint dat leuen gerechticheyt ende eere.

22

Een wise beclam die stat der machtiger, Ende zijn ^* betrouwen) bederf de vromicheyt.

* the. macht

23

Wie sinen mont ende tonge bewaert, ⁺ Die bewaert zijn ziele van benautheit.

+ D

24

Die stout ende vermeten is, heet ^* ongeleert,) Die in toornicheyt houaerdige wercken doet.

* th. een spotter

25

Dat wenschen des luyen doodet hem, want zijn handen en wilden niet met allen doen.

26

Hi wenschet wel dagelijcs, Maer die rechtuaerdich is, sal geuen ende niet behouden.

27

Der ongodlijcken offerhande is een vereysen, Want si worden in sonden gheoffert.

28

Een logenachtighe ghetuyge sal vergaen, Maer ^* een gehoorsaem man sal van victorien spreken.)

* the. wie hem laet seggen die mach oock altijt spreken

29

Die ongodlijcke vaertter metten hartneckighen hoofde door, Maer wie oprecht is, die betert zijn weghen.

30

Het en helpt gheen wijsheyt, geen verstant, gheenen raet teghen den HEERE.

31

Die paerden worden wel totten strijdt daghe bereydt, Maer Godt moet die ^* salicheyt) gheuen.

* th. verwinninghe

[p. C8r]

§ Van een goede fame ende naem, Van die vereeninge der twee natueren in Christo, van dat eynde der zedicheyt, vanden woecker, van die ghiften te gheuen van die suyuerheyt des herten, vanden traghen van die sotheyt eens kints, Den armen gheen gewelt te doen, Gheen vrientscap metten raescoppen, Gheen borghe te bieden, van die vermetentheyt