De Vorsterman Bijbel

§ Dat .xix. Capittel.

1

⁺EEn arme die in sine simpelheyt wandelt, is beter, dan een verkeerde met sinen lippen, ende sot is.

+ A

2

Waer ooc gheen ^* kennisse der zielen en is, daer en is gheen goet) ende die snel van voeten is, die stooot hem.

* h. bescheydentheit en is, daer en heeft gheen ziele goet

[p. C7r]

3

Die dwaesheit des memschen ^* vertredet zijn gangen onder die voeten) Ende zijn herte is toornich teghen den HEERE.

* th. verhaestet sinen wech

4

Rijcdom maect vrienden, Maer ^* vanden armen worden zijn vrienden afgescheyden, die hi oock te voren hadde.)

* theb. die arme wort van sinen vrienden afgescheyden.

5

Een valsch ghetuyghe en blijft niet ongestraft, Ende die vrilick lueghenen spreect, ⁺ die en sal niet ontghaen.

+ B

6

Vele eeren te doen den persone des machtighen, Ende zijn alle vrienden, den ghenen die geschenck gheeft.

7

Den armen mensche haten alle zijn broeders, Ia ooc zijn vrienden ghingen verre van hem, Ende wie hem op woorden verlaet, die en sal niet hebben.

8

Maer die zijn verstandenisse besittet, die heeft zijn ziele lief, Ende die bewaerder der wijser voorsienicheyt, sal goede dingen vinden.

9

Een valsche ghetuyghe, en blijft niet ongestraft, Ende so wie vri loghen spreect, sal vergaen.

10

Den sotten en betamen niet ^* rijdommen,) Noch eenen knechte, te heerschappen, ouer princen.

* th. wellust

11

Eens mans leeringe wort gekent, door lijdtsaemheit, ende zijn eere is ongelijcheit voor bi gaen.

12

Die verbolgentheyt des conincs, is gelijc dat briesschen eens ^* leeuwen,) Maer zijn genoechlike vrolicheyt, is ghelijck daw op dat gras.

* th. ionghen leews

13

Een sotte sone is een pijne zijns vaders, Ende een kijfachtich wijf, is gelijck die daken die altoos druipen.

14

Huys ende goet worden gegeuen van die ouders, Maer een verstandich wijf coemt van den HEERE.

15

⁺Luyheyt brengt slapen, Ende een ledige ziele, sal honger liden.

+ C

16

Wie dat gebot verwaert, die verwaert zijn ziele Maer wie sinen wech versuymt, sal steruen.

17

Wie hem des armen ontfermt, die woeckert den HEERE, ende die sal hem weder verghelden sinen loon.

18

Castijt uwen sone ^* ende en wanhopet niet,) maer en laet uwe ziele niet beweecht worden hem te dooden.

* th. die wile datter hope is

19

Want ^* die onlijdtsaem is, sal schade lijden, Ende als hi gerooft heeft sal hijer ander bileggen)

* th. groote toornicheit brengt scade, Daerom laet hem loopen, soo en kondy hem niet onderrechten

20

Hoort den raet ende aenueert die castijende onderwisinghe, op dat ghi namaels wijs zijt, in uwen wterste.

21

Daer zijn vele gepeysen in eens mans herte, Maer den ^* wille) des HEEREN blijft staende, inder eewicheyt.

* th. raet

22

^* Een mensche die gebrec heeft die is barmhertich) Ende een arm rechtueerdich, is beter dan een loghenaer.

* the. Eenen mensce vertiert zijn weldaet

23

Die vreese des HEEREN brenget totten leuen, Ende sal sat bliuen woonen in die volheyt, sonder besoecken des alder quaetsten.

24

⁺Die luyde steect zijn hant onder zijn ocselen ende en brengtse niet weder, totten monde

+ D

25

Als die boose gegheeselt wort, sal die sotte [kolom] wijser wesen, Maer berispt ghi eenen wisen hi sal wijsheyt verstaen.

26

Wie sinen vader verstoort ende zijn moeder ^* ontuliet, die sal oneerlijck wesen ende onsalich.)

* the. versaghet, die is en schandelijc ende onbescamelijck kint

27

Mijn sone, en hout niet op te hooren die onderwisinghe, Noch en zijt niet onwetende, die woorden der ^* kennissen.)

* th. bescheydentheyt

28

Een ^* onrecht) getuige bespottet dat oordeel Ende die mont der ongodliker verslindet dat onrecht.

* h. Belials

29

Den bespotters, zijn oordeelen bereyt, ende slaende hameren, op der sotten liuen.

§ Vanden wijn ende vanden twist, vanden coninc die tquaet verstroyt, vanden gewichte ende mate, vanden slape te scouwen, vanden coopers, vandat laken der loghenen, van des vaders ende der moeders vermaledijnge, van die haestighe erffenisse, van tweederhande gewichte, van ghelofte, van dat licht des sins, Ende van die stercheyt.