De Vorsterman Bijbel

§ Dat .xvij. Capittel.

1

⁺EEnen drooghen bete, is beter met ghenuechte, dan een huys vol gheslaghender beesten, met twiste.

+ A

2

Een voorsienich wijs knecht, sal regeren, ouer sotte kinderen, Ende sal onder den broeren, die erue wt deelen.

3

Ghelijck metten vier, dat siluer, ende inden ouen dat gout gheproeft wort, Alsoo proeft die HEERE, die herten.

4

Een quade ^* is onderdanich, der quader) tongen, Ende een bedriechlijck mensche, is onderdanich, den logenachtigen lippen.

* the. achtet op quade

5

Wie den behoeuenden bespottet, die verwijt dat, des seluen scheppere, ende wie hem van eens anders valle verblijt, en sal niet ^* onghepnicht) zijn.

* th. onschuldich

6

Der ouders croone, zijn kints kinderen, Ende der kinderen eere, zijn haere vaderen.

7

Den sotte, en betamen gheen kostelike woorden, noch eenen prince, die loghenachtighe lippen.

8

^* Dat verwachten des verwachters, is een aengenaem costelijck steen) Waerwaerts hi hem keert, ^* verstaet hi voorsienlijck.)

* th. Dat geschenck is eenen edelen steen, dien diet heeft

* the. vaert hi cloeclijc

9

Wie die sonde bedect, die soect vrientschappe, Maer wie die sake ander ende andermael verhaelt, ⁺ die scheydt die vereenichde met verbont.

+ the. meldet

10

⁺Schelden veruaert meer, aen den verstandighen, Dan hondert slaghen, aen den sotten.

+ B

11

Die boose soect altoos twistighe dinghen, maer daer sal een wreede ^* Enghele) teghen hem ghesonden worden.

* thebr. bode

12

Het is beter eenen bere te gemoeten dien die ionghen berooft zijn, dan eenen ^* sotten, die in zijnder sotheyt betrouwen heeft.)

* h. sot in zijnder sotheit

13

Wie goet met quaet loont, Van des huyse en sal tquaet niet ghaen.

14

Dat beghinsel des gekijfs, is ^* hi die een water wt laet loopen, Ende eer hi soude liden schande, verlaet hi dat oordeel.)

* h. gelijc een water wtruischt, ende door twist breydet hem wt

15

So wie den ongodlijcken rechtuaerdich seyt te wesen, Ende den rechtuaerdighen verdoemt, ⁺ die zijn alle beyde, bi den HEERE een afgrijselicheyt.

+ C

16

Wat batet den sotten, dat hi rijcdom heeft, als hi gheene wijsheyt en kan ghecoopen. ^* Die zijn huys hooch maect, die soect den val

* ten is niet int hebree.

[p. C6v]

^* ende die schout onderwesen te worden, sal in quade ongeluck vallen.)

* ten is niet int hebree.

17

Een die een vrient is, bemint altoos, Ende een broeder wort inder noot beuonden.

18

^* Een sot sal blischap met de handen te slaen thoonen, als hi borge gheworden is voor sinen vrient.)

* h. Tis een sot die aen de hant geloeft, Ende borghe wort voor sinen naesten

19

Wie twist ^* ouerleyt,) die bemint sonde, Ende so wie sinen ^* mont) verheft die soect den val.

* th. bemint.

* the. duere

20

Een die verkeert van herten is, en vindet niet goets, Ende die van verkeerder tongen is, sal in ongeluc vallen

21

^* Een sot is geboren, tot zijns selfs schande) Ende eens sotten vader, en sal ooc hem niet verblijden.

* th. Een sot bedroeft hem seluen.

22

Een vrolijck herte maect dat leuen lustich, ⁺ Maer eenen bedroefden gheest verdrooghet dat gehebeente.

+ D

23

Die ongodlike neemt gheschencke wt den schoot, Om die paden des oordeels te ^* verkeeren.)

* th. buygen

24

Wijsheyt is lichtende wt des verstandigen aensichte, Maer des sotten oogen sien op die eynden der aerden.

25

Een sotte sone, is zijns vaders ^* gramscap) ende een bedroeffenisse zijnder moeder, ⁺ die die hem ghebaert heeft.

* § de einden dat is, hy heeft een wildt ghebaer

+ theb. droefheyt

26

Het en is niet goet, schade den rechtuaerdighen te doene, Noch den prince te slaen, die rechtuaerdich oordeelt.

27

Die zijn reden met mate regeert, is geleert ende voorsichtich, Ende een onderwesen doorsocht man, heeft eenen edelen dierbaren gheest.

28

Waert dat een sot sweech, soo worde hi oock wijs gerekent, Ende verstandich, waert dat hi sine lippen te samen dructe.

§ Van die scheydinghe der vrienden, van eens mans woorden, van bi die waerheyt te bliuen, van eens dwaes mont, van den rechtuaerdighen die bi hem seluen beschuldicht, ende van den broedere die den anderen helpt.