De Vorsterman Bijbel

§ Dat .iiij. Capittel.

1

⁺HOort mijn kinderen, die onderwisinge ws vaders, ende merct, op dat ghi die verstandenisse bekennet,

+ A

2

Want ic sal v geuen een goede ^* gifte) en verlaet mijn wet niet.

* th. leeringhe

3

Want ic was mijns vaders sone, een teedere, ende een eenige geboren voor mijn moeder,

4

ende hi leerde mi ende sprac, Laet v herte mijn woorden op nemen, ende houdt mijn geboden, so suldi leuen.

5

^* Besidt) wijsheyt, Besit verstandenisse en vergetet niet, ende en wijct niet vander redene mijns monts.

* thebre. vercrijcht

6

En verlaetse niet, so sal si v behouden, bemintse, so sal si v onderhouden,

7

Dat beginne der wijsheyt is, Besittet die wijsheyt, ende vercrijcht die verstandenisse ^* in alle uwe besittinge,

* the. voor alle uwe haue. Verhefse.

8

Neemtse tot v) so sal si v verheffen, ende als ghise omuangen hebt, so sal si v heerlijc maken.

9

Si sal uwen hoofde geuen vermeerderinge van beuallicheden, ⁺ ende sal v ouerdecken met een edele croone.

+ B

10

Hoor mijn kint, ende ontfanct mijn redenen op dat uwer iaren vele worden.

11

Ic sal v den wech der wijsheyt wizen. Ende ic sal v door die ^* padekens der rechtueerdicheyt) leyden,

* the. rechte bane

12

die welcke als ghi ingaet, so en sal uwen ganc niet benaut worden, ende als ghi loopt, en suldi v niet stooten.

13

Vaet die onderwisinge, en laetse niet, bewaertse, want si is v leuen.

14

^* En verlusticht) niet op der ongodlijcker padt, ende en laet v niet behagen den wech der boosen,

* thebre. En coemt

15

⁺Vliet daer af, ende en gaet daer niet dore. Wijct van hem, ende laetten varen,

+ C

16

Want si en slapen niet, si en hebben quaet gedaen, ende si en rusten niet, ten si dat si verdruckinge hebben ghedaen,

17

Want si eten dat broot der ongodlijcheyt, ende drincken vanden wijn des ongherechticheyts.

18

Maer der rechtueerdigher padt blinct ghelijck een licht, dat daer voort gaet, ende lichtet totten vollen dach toe,

19

Maer der ongodlijcker wech is doncker, ende en weten niet, waer si vallen sullen.

20

⁺Mijn sone, aenmrct mijn woorden, ende buyget v oore tot mijnder redene,

+ B

21

En laetse niet van uwen oogen varen, bewaertse te midden in uwer herten.

22

Want si zijn dat leuen den genen diese vinden, ende gesontheyt

[p. C2r]

haeren geheelen lijue.

23

Bewaert v herte met alder naersticheyt, Want daer wt gaet dat leuen,

24

Doet van v den verkeerden mont, ende laet die achterclappende lippen verre van v zijn,

25

Laet uwe oogen stracs voor hen sien, ende uwe oochscelen recht voor v gangen gaen,

26

Schict eenen pat uwen voeten, ende alle uwe weghen sullen ^* geuesticht) worden,

* the. geuordert.

27

En wanckelt niet ter rechter noch ter slincker siden. Keert af uwen voet vanden quade. ^* Want die HERE kent die wegen die ter rechter hant zijn, maer die ter slincker siden zijn, zijn verkeert, Want hi sal v gangen recht maken, ende uwe reysen sullen met vrede verlenghet worden.)

* ten is niet int heb.

§ Van op die wijsheyt te achtene, Ende van die vrouwe, ende die ongoddelijcke ende dwase ende quade ende vremde hoeren, die welcke teghen die goddelijcke wijsheyt wandelen, te wachtene.