De Vorsterman Bijbel

§ Dat .v. Capittel.

1

⁺MIne kint, aenmerct mijn wijsheit, buyget uwe oore tot mijn voorsichticheit,

+ A

2

op dat ghi bewaert die gedachten, ende uwe lippen die leeringe bewaren, ^* Ende aendenct niet der vrouwen valscheyt)

* ten is niet int heb.

3

Want die lippen der hoeren zijn een huenichseem, ende haer kele is blinckender dan olie,

4

Maer haer laetste eynden zijn bitter gelijc alsene, ende haer tonge is scharp gelijc een swaert aen beyde siden snidende,

5

Haer voeten loopen totter doot nederwaerts, ende haer gangen gaen door tot in die helle.

6

Si en gaet niet recht door die paden des leuens, haer treden zijn ongestadich, dat si niet en weet waer si gaet.

7

⁺Aldus hoort mi nv mijn kinderen, ende en wijct niet vanden woorden mijns monts,

+ B

8

Maect uwe wegen verre van haer, ende en ghenaket niet totter dueren haers huys,

9

op dat ghi den anderen uwe eere niet en gheeft, ende uwe iaren wreeden,

10

dat messchien die vremde niet en souden van uwen vermogen veruult worden, ende uwen arbeyt niet en si in eens anders huys,

11

Ende moet namaels int eynde suchten, als ghi v lichaem ende ^* vleesch) verteert hebt, ende seggen

* the. goet.

12

Och waeromme hebbe ic die castiende onderwisinge gehaet? ende mijn herte der straffingen niet consent ghegeuen?

13

Noch ick en hebbe niet gehoort die stemme mijnder leeraers, ⁺ ende mijn oore niet geneycht totten meesters die mi leerden?

+ C

14

Ick ben schier in alle quaet geweest te midden inder ^* kercken ende synagogen.)

* th. gemeinte ende vergaderinghe.

15

Drinct water wt uwen bornputte, ende vloeden wt uwen putte.

16

Laet uwe fonteynen vloeyen, ende die waterbeken deylt op die straten,

17

Maer hebt ghise alleene, ende geen vremde en si deelachtich met v.

18

V fonteyne si gebenedijt, ende verblijdt met den wiue uwer ioncheyt,

19

Lieflijck is die hijnde, vrienthoudt dat ree, Laet v haer ^* borstkens) altoos [kolom] verzaden, ende vermaect v met wellusticheyt altoos in haerder liefden.

* theb. liefde

20

Mijn kint, waeromme wordy verleyt van die vremde vrouwe ende waeromme ^* wordi inden schoot van eender ander verwermt)

* th. omhelsdi malcanderen.

21

Want die HEERE aensiet den wech des menschen, ende hi ^* aenmerct alle zijn ghanghen.)

* the. metet alle haere palen

22

Die misdat des ongodlijcken sal hem vangen, ende hi sal metten stric zijnder sonden gehouden worden,

23

Hi sal steruen, want hi en hadde geen onderwisinge, ende door die menichte zijnder dwaesheyt sal hi bedroghen worden.

§ Dat een mensche hem van sinen laste quiten sal, Ende van die Miere naersticheyt te leeren, Ende vanden twist zaeyer, Ende een waerschouwinge voor valsche leeringhe ende haer bedroch.