De Vorsterman Bijbel

§ Dat iij. Capittel.

1

⁺MIne kint, en vergetet mine wet niet, ende v herte beware mijn geboden,

+ A

2

Want si sullen v lancheyt der dagen, ende iaren des leuens ende vrede toe brengen,

3

barmherticheit ende waerheyt en sullen v niet laten, Hanctse aen uwen hals, ende scrijftse in die tafel ws herten,

4

so suldi ionste ende onderwisinge vinden voor God ende die menschen.

5

Verlaet v opten HEERE van geheelder herten, ende en verlaet v niet op uwe voorsichticheyt,

6

Maer ghedenct hem in alle uwe wegen, so sal hi uwe gan-

[p. C1v]

gen spoedighen,

7

En weest niet wijs bi v seluen, Maer vreest den HEERE ende wijcket vanden quade,

8

Want dat sal uwen nauele gesontheyt zijn, ende uwe gebeente veruerschen.

9

Eert den HEERE van uwen goede, ende vanden eerstvruchten al ws incomens ^* deylt den armen,

* ten is niet int heb.

10

⁺ so sullen uwe schueren vol worden ende uwe wijnperssen met most ouerloopen.)

+ B

11

Mijn kint, en verworpt die castijnge des HEEREN niet, ende en zijt niet onuerduldich als ghi van hem berispt wort.

12

Den welcken die HEERE bemint, dien straft hi, ende heeft welbehagen aen hem, gelijc een vader tot sinen sone.

13

Salich is die mensche die wijsheit vindet, ende die mensche, dien verstandenisse toe vloeyt,

14

Want haer vercieringhe is beter, dan die comenscap van siluer ^* ende gout, ende haer vruchten zijn die eerste ende aldersuyuerste),

* th. ende haer incomen is beter dan gout.

15

Die wijsheyt is costelijcker dan alle ^* rijcdommen), ende al datmen wenschen mach, en is haer niet te gelijcken.

* th. peerlen

16

Langhe leuen is tot haerder rechter hant, Tot haerder slincker hant is rijcdom ende eere.

17

Haer weghen zijn schoone weghen, ende alle haer paden zijn vredelijc.

18

Si is eenen boom des leuens alle den genen diese gripen, ende salich zijn si diese houden,

19

Want die HERE heeft die aerde door die wijsheyt gefundeert, ende door de verstandenis die hemelen ^* vastgemaect,)

* the. bereyt

20

Door zijn wijsheyt zijn die afgronden ^* wtgeborsten) ende die wolcken met dauwe druypende tesamen gewassen.

* th. gedeylt

21

⁺Mijn kint, en laet dese niet van uwen ooghen wijcken, Bewaert ^* mijn wet ende minen raet,)

+ C

* thb. voorsichticheyt ende onderwijsinghe.

22

die sullen uwer zielen leuen zijn, ende uwen mont sal gracieus zijn.

23

Dan suldi sekerlijck wandelen op uwen wech, ende uwen voet en sal hem niet stooten,

24

Slaept ghi, so en suldi niet vreesen, ghi sult rusten ende uwen slaep sal soet zijn,

25

En vreest niet van bottelike veruaernisse, noch voor den storm der ongodliker als si ouer v vallen,

26

Want die HEERE sal wesen aen v side ende sal behoeden uwen voet, dat ghi niet geuangen en wort.

27

^* En wilt niet verbieden den genen diet vermach goet te doen, Ist dat ghi moget, doet ooc selue goet)

* th. En ontsegget niemant goet te doen, vermacht uwe hant van god

28

En segt niet tot uwen vrient, gaet henen ende coemt weder, morgen sal ickt v gheuen, als ghijt terstont moecht geuen.

29

En pijnt niet quaets tegen uwen vrient ^* Als hi zijn trouwe op v gestelt heeft,)

* the. die op trouwe bi v woont.

30

⁺En kijft met niemant zonder oorsake, als hi v geen leet gedaen en heeft.

+ D

31

En volcht niet na met liefden, eenen onrechten mensche, ende en volghet zijn wege nniet.

32

Want alle bespotter is den HEERE een grouwel, ende zijn ^* spraken zijn metten eenuoudigen).

* th. verborgentheit is byden oprechten

33

Int huys der [kolom] onghodlijcker is ^* ghebreck vanden HEERE) Maer die wooningen der rechtueerdigen sullen ghebenedijt worden.

* th. die vermaledijnge des Heeren

34

Hi sal selue die bespotters bespotten, maer den saechtmoedighen sal hi ghenade gheuen,

35

Die wijse sullen eere beeruen, Maer der sotter verhooghinghe is schande.

§ Hoe Salomon door een ghelijckenisse van hem seluen leert datmen die wijsheyt soecken sal, Ende die vrucht der wijsheyt, ende den wech der wijsheyt, Ende der ongodlijcker wech, ende die woorden Gods te bewaren, Ende therte den mont, ende den ghanck te verwaren