De Vorsterman Bijbel

§ Dat .ij. Capit.

1

⁺MIne kint, ist dat ghi mijn reden aen nemet, ende mijn geboden bi v verborget

+ A

2

dat uwe oore hoore die wijsheyt, so buyget [kolom] v herte, om die voorsichticheyt te verstaen,

3

Want ist dat ghi die wijsheyt aenroept, ende v herte neycht nader voorsichticheyt,

4

Ist dat ghi haer soect gelijc gelt ende wtgraeftse ghelijc die schatten,

5

als dan suldi die vreese des HEREN verstaen, ende Gods kennisse vinden

6

⁺Want die HERE geeft wijsheyt, ende wt sinen monde coemt kennis ende verstant,

+ B

7

Hi sal bewaren der oprechten salicheyt, ende sal beschermen die ghene die simpelijck wandelen,

8

ende bewaren die paden des oordeels ende bewaert den wech der heyligen,

9

Dan suldi verstaen rechtueerdicheyt ende oordeel, ende oprechticheyt, ende allen goeden wech

10

Ist dat die wijsheyt v ter herten gaet, ende die kennis uwer zielen behaecht,

11

so sal v den reat bewaren, ende voorsichtige wijsheyt sal v behoeden,

12

op dat ghi wtgetrocken sout worden, vanden quaden wege, ende vanden mensce die verkeerde dingen spreect,

13

die daer verlaten die rechte bane, ⁺ ende gaen door die duyster wegen,

+ C

14

Die hen verblijden als si quaet ghedaen hebben, ende zijn vrolijc in die alderbooste dinghen,

15

Der welcker wegen verkeert zijn haer ghanghen van quaden geruchte.

16

⁺Op dat ghi verlost wort vander vremder vrouwen, ende die van buyten is, die smeekende woorden gheeft,

+ D

17

ende verlaet den meester haerder ^* vruchtbaerheyt),

* the. iuecht

18

ende heeft vergeten dat verbont haers Gods, Want haer huys neyget hem totter doot, ende haer gangen ^* totter hellen)

* the. totten verlorenen.

19

Alle die tot haer ingaen en sullen niet weder comen, ende en sullen den wech des leuens niet begripen.

20

Op dat ghi wandelt opten goeden wech, ende bewaert die paden der gherechtiger,

21

Want die oprechtige sullen inden lande woonen, ende de onnoosele sullen daer inne bliuen,

22

Maer die ongodlijcke sullen wt den lande geroeyt worden, ende die quaet doen, sullen daer wt ghenomen worden.

§ Die wijsheyt beueelt haer geboden te gedencken, ende op God te betrouwen ende niet op hem seluen, Ende God te vreesen ende te eeren, Ende van dat lof der wijsheyt. Ende datmen den ongoddelijcken niet ontsien ende die goede wercken niet laten en sal, Ende den ongodliken bespotter niet na te volghen.