De Vorsterman Bijbel

§ Dauids hondersten ende acht ende veertichsten psalm Alleluya. Laudate dominum de celis.

1

⁺LOuet ghi vanden hemelen den HEERE, Louet hem inden hoochten.

+ A

2

Louet hem alle zijn engelen, Loeft hem alle zijn heyrcrachte.

3

Loeft hem Sonne ende Mane, Louet hem alle sterren ende licht.

4

Louet hem ghi hemelen alder hemelen, Ende die wateren die bouen ouer die hemelen zijn,

5

Die louen den naem des HEEREN.

^* Want hi heeft gesproken ende si zijn ghemaect, Hi heeft geboden, ende si zijn gescepen.)

* the. want hi gebiedt, so wordet gescapen. danie. iij.d Iudi. iij.f.

6

Hi heeft gheoordineert inder eewicheyt ende in eewe der eewen, Hi heeft een ghebot ghestelt, ende ten sal niet voorbi ghaen.

7

⁺Louet den HERE opter aerden, Ghi draken ende alle diepten.

+ B

8

Vier, haghel, sneeu, ende ^* ijs) Wijndt des onweders, die zijn woort doen.

* the. domp.

9

Bergen ende alle hueuelen vruchtbare boomen ende alle cederen.

10

Beesten ende alderhande vee ^* slangen) ende gheuoghelte met vederen.

* thebr. ghewormte

11

Ghi Coninghen der aerden ende alle luyden, Princen ende alle rechters der aerden.

12

Iongelinghen ende maechden, Oude metten ionghen. Moeten den name des HEEREN louen,

13

Want sinen naem alleen is verheuen,

14

Ouer hemel ende aerde is zijn ^* belidenis) Ende hi heeft verheuen den hoorn zijns volcs Lofsanck hebben alle sine heylighen, die kinderen van Israel, dat volc dat tot hem ghenaket. Alleluya.

* the. lof.