De Vorsterman Bijbel

§ Dauids hondersten ende seuen ende veertichsten psalm. Lauda Ierusalem dominum.

12

⁺LOuet o Ierusalem den HEERE, Syon loeft uwen God.

+ A

13

Want hi sterck gemaect heeft die sloten uwer poorten, ende gebenedijt uwe kinderen daer in v.

14

Hi stelde uwen palen vrede, ende versadet v met der bester tarwen bloemen

15

Hi seyndet zijn reden opter aerden, zijn wort loopt snel.

16

⁺Hi geeft sneeu gelijc wolle, Hi stroyt neuele gelijc asschen.

+ B

17

Hi worpt zijn ijsschollen ghelijck beten, Wie can berdragen te bliuen staen voor dat aensichte zijnder vorste?

18

Hi sal seynden zijn woort ende versmeltense, Hi sal sinen ^* gheest laten blasen) so sullen vloeyen die wateren.

* theb. wint laten comen.

19

Hi vercondicht Iacob zijn woort, ende Israel zijn zeden ende rechten.

20

Also en doet hi niet allen nacien van volcken, Noch en laetse niet weten haer rechten. Alleluya.