De Vorsterman Bijbel

§ Den hondersten ende ses ende veertichsten psalm. ⁺ § Laudate dominum quoniam bonus est psalmus.

+ int. heb. den C.xlvij. ps

1

⁺LOuet den HEERE, want ^* den psalm is goet, Onsen Gode si een genoechlike ende suyuerlijcke lofsanck.)

+ A

* the. den lofsanck ons Gods is goet, Dat lof minlijc ende schoone

2

Die HEERE sal Ierusalem timmeren, ende te samen brengen die verstroyde van Israel.

3

Hi heelet die ontwee ghewreuen van herten zijn, Ende verbindet haer ^* wriuinghe.)

* th. smerten.

4

Hi ist die tellet der sterren menichte, ende noemtse alle met haeren name.

5

Onse HERE is groot, ende groot is zijn cracht Sijnder wijsheyt en is gheen ghetal.

6

Die HERE ^* ontfanct die saechtmoedige,) Maer hi verootmoedicht die ^* sondaren) totter aerden toe.

* the. rechtet op die ellendige

* the. ongodlijcke.

7

Singet deen na den anderen den HEERE met belijdinge, ende louet onsen God met harpen.

8

⁺Die den hemel met wolcken bedect, ende bereyt regen opter aerden, Die hoy op bergen laet wassen, ^* totten dienst der menschen.)

+ B

* ten is niet int hebree.

9

Die den vee zijn voeder gheeft, ^* ende den) iongen der rauen die hem aenroepen.

* thebr. Den

10

Hi en heeft gheenen lust aen die stercte des paerts, Noch behaghen aen yemants beenen.

11

Die HEERE heeft behaghen aen die ghene die hem vreesen, ende aen die ghene die op zijn barmherticheit hopen

[kolom]