De Vorsterman Bijbel

§ Dauids hondersten ende vijf ende veertichsten psalm. Alleluya. ⁺ § Lauda anima mea dominum.

+ int. heb. den C.xlvi. ps.

2

⁺LOuet den HEERE, mijne ziele, Ic sal den HEERE louen in mijn leuen, Ende minen gode lof singhen, alsoo lange als ick hier sal wesen. En verlaet v niet op princen,

+ A

3

Op der menschen kinderen, Inden welcken gheenen troost en is.

4

Want sinen geest sal wt varen, ende weder tot zijnder aerden comen, In dien daghe sullen alle zijn ghepeysen, verloren zijn.

5

Hi is salich, wiens hulpe Iacobs Godt is, Wiens hope op den HEERE sinen Godt staet,

6

die hemel, aerde, zee, ende alle wat daer inne is, gemaect heeft.

7

⁺Die inder eewicheyt bewaert die waerheyt. Die recht doet dien die onrecht lijdet, Die den hongerigen spijse te eten gheeft, Die HEERE ontbindet die geuangenen,

+ B

8

Die HEERE maket die blinde siende. Die HERE recht op die neder gheslagen zijn, Die HEERE beminnet die rechtuaerdighe.

9

Die HEERE bewaert die vremdelingen ende weesen, hi sal ontfanghen die weduwen, Ende sal verstroyen die wegen der ^* sondaren)

* the. ongodlijcken.

10

Die HEERE sal regeren inder eewicheyt, Dijn God Sion van gheboorte aen tot geboorte. Alleluya.