De Vorsterman Bijbel

§ Dauids hondersten ende neghen ende veertichsten psalm Alleluya Cantate domino canticum nouum.

[p. B8v]

1

⁺SInghet den HERE een nieuwe liedt, zijn lof is, in die verghaderinghe der heylighen.

+ A

2

Israel verblide hem in dien, die hem ghemaect heeft, Die kinderen van Sion moeten vrolijc zijn ouer haeren coninck.

3

Si moeten sinen naem louen inden reye, Met tamboeren ende ^* psalter) moeten si hem spelen.

* the. herpen.

4

Want die HEERE heeft een wel behagen aen zijn volck, ende hi verhief die saechtmoedighe tot salicheyt.

5

Die heylighen sullen vrolijck zijn in eeren, Ende verblijden in haer slaepcameren.

6

Die verblijdingen Gods zijn in haer kelen. Ende ^* swaerden) aen beyde siden snidende, ^* zijn) in haeren handen.

* thebre. een swaert

* the. is

7

⁺Dat si wrake doen souden onder die heydenen, Straffinghe onder den volcke.

+ B

8

Om haer coningen te binden met ketenen, ende haer edelen met yseren hantboeyen.

9

Op dat si aen hen doen dat oordeel, daer af gheschreuen is, Alsulcken eere hebben alle zijn heylighen, Alleluya.