De Vorsterman Bijbel

§ Dauids .C.xliij. Psal. ⁺ § Benedictus dominus deus.

+ int heb. den C.xliiij psal

1

GHebenedijt si die HERE mijn ^* God), Die mijn handen leert strijden, ende mine vingheren oorloghen.

* th. stercte

2

⁺Mijn bermherticheit ende mijn toeuluchte mijn ontfanger ende mijn verlosser, Mijn beschermer, ende op den welcken ic mi betrouwe Die mi mijn volc onderdanich ghemaect heuet.

+ A

3

HERE wat is die mensche dat ghi v hem so te kennen gheeft? Ende des menschen kint dat ghi hem so achtet.

4

⁺Die mensche is der ydelheit ghelijc gheworden, Sijn dagen gaen daer henen ghelijc een scaduwe.

+ B

5

HERE buycht uwe hemelen ende daelt daer af, Tast die bergen aen ende si sullen roocken.

6

Blixemt met weerlichte, ende ghy sultse verstroyen, Schiet wt uwe pijlen, ende ghi sultse verbaest maken.

7

Seynt uwe hant vander hoochten, ende verlost mi, Ende ontrect mi van vele grote wateren, ende vander hant der vremder kinderen.

8

Der welcker mont onnutte dinghen spreect, ⁺ Ende haer rechte hant, is een valsche rechter hant.

+ C

9

God ick sal v een nieuwe liet singen, Ic sal v opter harpen van thien snaren spelen.

10

Ghi die den coninghen salicheyt geeft, ende hebt verlost uwen knecht Dauid vanden quaden swaerde.

11

Verlost mi, ende neemt mi wt vander hant der vremder kinderen, der welcker mont onnutte dingen spreect, Ende haer rechte hant, is een valsche rechte hant.

12

^* Haer kinderen) zijn ge-[kolom]lijc die nieuwe plant in haer ioncheyt, Ende ^* haer) dochteren zijn verciert ende rontsom verciert als een ^* gelikenisse des tempelen).

* the. op dat onse sonen.

* th. onse

* th. gelijc wtgouwen hoecken, gelijc dat palleys

13

Ende ^* haer) scaprayen zijn al vol, die wtgeuen prouisie tot weder prouisie, ^* Haer) schapen zijn vruchtbaer oueruloedende in haer wtgangen

* th. onse

* th. dat onsen scapen dragen duysent, ende hondert duyzent daer buiten Onse ossen sterck te draghen

14

Haer runderen zijn vette) Daer en is ghenen val der wanden, noch doorganc, noch roep in ^* haer) straten.

* th. onse

15

^* Si hebben geseyt) Salich ist volc, dient also gaet, Maer salich ist volc dies die HERE zijn God is.

* ten is niet int hebre