De Vorsterman Bijbel

§ Dauids .C. ende .xlij. Psalm. ⁺ § Domine exaudi orationem.

+ int heb. den C.xliij. psal

1

HEERE verhoort mijn gebet, verneemt mijn clagende bidden met uwen ooren, ^* inder waerheyt) Verhoort mi om uwer gerechticheit wille.

* the. om ws geloofs wille.

2

⁺Ende en gaet niet int oordeel met uwen knechte, Want voor v aensicht en sal geen leuendighe rechtuaerdich gemaect worden.

+ A

3

Want die viant heeft veruolcht mijn siele, ende heeft vernedert mijn leuen ter aerden, Hi heeft mi gestelt in een duyster plaetse, ghelijc die dooden opter werelt.

4

Ende minen gheest is in mi benaut, mijn herte is in mijn lichaem verstoort

[p. B7v]

5

Ic gedachte der ^* ouder) dagen, Ic ouerdachte oeffende mi in alle uwe wercken, ende ic sprack vanden maecselen uwer handen.

* the. voorledender

6

⁺Ic reckede mijn handen wt tot v, Mijn siele dorstet na v ^* als aerde sonder watere)

+ B

* th opter aerden Sela

7

HERE verhoort mi haesteliken, Minen geest is vergaen, En verbercht v aenschijn niet van mi ^* ende ick sal ghelijc worden) den ghenen die inden cuyle neder dalen.

* th. dat ic niet en worde ghelijc

8

Laet mi vroech hooren uwe bermhertichheyt, Want ick hope op v. Maect mi bekent den wech daer ick in wandelen sal, Want ic hief mijn siele op tot v.

9

HEERE, verlost mi van minen vianden, tot v hebbe ick toeulucht.

10

Leert mi doen na uwen wille, Want ghy zijt mijn God, Vwen goeden geest sal mi leyden op effene lant.

11

⁺HERE ghi sult mi leuende maken in uwe rechtuaerdicheyt, om ws naems wille. Ghi sult mijn siele leyden wt die quellinghe

+ C

12

Ende door uwer bermherticheyt suldi verstroyen alle mijn vianden, Ende ghi sultse verdoen alle die mijn siele benauwen, Want ic ben v knecht