De Vorsterman Bijbel

§ Dauids onderwisinge te bidden doen hi in die speluncke was. Den .C. ende .xli. Psalm.. ⁺ § Voce mea ad dominum

+ Int he. den C.xlij. psal.

2

⁺IC riep totten HERE met mijnder stemmen, Ic badt hertelijcken tot den HERE met mijnder stemmen.

+ A

3

Ic scudde mijn gebet voor zijn aensicht wt, ende gheue minen noot voor hem te kennen.

4

Als minen geest in ^* mi vergaende) is, so kendy mijn toepaden, Si hebben mi eenen stric verborgen op desen wech daer ic wandelde.

* th. anxten

5

^{+ *} Ic mercte) ter rechter siden ende ^* sach) daer en was niemant die mi kende, Want mijn vluchten is vergaen van mi, Niemant en soect mijn siele.

+ B

* th. siet

* ende siet

6

HERE tot v riepe ic ende seide, ghi zijt mijn toeuerlaet, Mijn deel inden lande der leuendiger.

7

Aenmerct mijn clage, want ic ben seer vernedert, Verlost mi van mijn veruolgers, Want si gaen mi te bouen in stercheden.

8

Leyt mijn siele wten kercker dat si uwen name belijde, Die gerechtige ^* verwachten my tot dat ghi mi wederloon gheeft.)

* th. sullen my omringhen als ghy my weder op helpt