De Vorsterman Bijbel

§ Dauids .C. ende .xl. Psalm. ⁺ Domine clamaui ad te.

+ int heb. den C.xli. psal

1

HERE ick riep v ^* Verhoort) mi, Merct aen mijn stemme als ic v aenroepe.

* th. haest tot

2

⁺Mijn gebet moet tot v aensichte gestiert worden, als eenen roocke van wierooc, Mijn ophef-[kolom]fen der handen si als een auont offerande.

+ A

3

HERE set minen monde een bewaringe ^* ende een duere rontsomme om mijn lippen).

* h. aende duere mijnder lippen een bewaringe.

4

En neycht mijn herte niet tot woorden der boosheyt, ^* te ontsculdigen ontsculdicheden in die sonden, Met den menschen die quade boosheit doen, ende ick en sal niet mede deelen met haeren wtueruercoren spijse)

* th. ongodlic te wesen met den quaetdoenders dat ick niet en ete dat hen gelieft

5

Die rechtuaerdige sal my castien in bermherticheden ende straffen mi, ^* Maer de olie des sondaren en salue mijn hooft niet) Want mijn gebet gaet noch ^* in haer behaghen)

* th. dat sal my zijn de beste olye dwelcke mijn hooft niet en mist

* h. tegen haer quaet

6

Haer rechters ^* zijn opghesopen daer si waren geuoecht ontrent den steen) Si sullen hooren mijn redenen, want si ^* vermochtent.

* th. strukelen biden steen.

* th. zijn soete gelijc een die daerde breket ende door wuelt, so zijn onse gebeenten verstroeyt totter hellen toe

7

Ghelijc die dicte der aerden wtgeborsten is opter aerden, Onse beenen zijn bedoruen ontrent der hellen).

8

Want tot v HERE, HERE sien mijn oogen, Ick betroude op v, en neemt mijn siele nyet wech.

9

Bewaert mi voor den stricke, dyen si voor mi gheleyt hebben, ende voor den valle der quaetdoenders.

10

Die ongodlike sullen in zijn netteken vallen, ^* ic ben bisonderlinc alleen), tot dat ic voorby gae.

* th. altesamen