De Vorsterman Bijbel

§ Dauids psalm om hooch te singen. Den .C. ende .xxxix. Psalm. ⁺ § Eripe me domine ab ho.

+ int heb. den C.xl. psalm

2

⁺UErlost mi HERE vanden quaden mensce Verlost mi vanden ongerechtigen man.

+ A

3

Die quaetheit dencken in haerder herten, ende daghelics strijdt berocken.

4

Si scerpen haere tongen als slanghen, Aderen fenijn is onder haer lippen. ^*)

* th. Sela

5

Bewaert mi HERE voor die hant des sondaers, Verlost mi vanden onrechtuaerdighe mannen, Dye mijn gangen dachten onder te terden.

6

Die houaerdige borgen voor mi stricken, Ende breyden mi zeelen wt tot eenen ^* stricke) ende stelleden mi vallen aenden wech ^*).

* th. nette

* th. Sela

7

⁺Maer ic seide totten HERE, ghi zijt mijn god HERE verhoort die stemme mijns hertelijcs gebets.

+ B

8

HERE HERE, ghi cracht mijnder salicheit, Ghi bedecte mijn hooft inden tijt des oorloochs.

9

HERE en ^* leuert mi niet ouer den sondaer van mijnder begeerte, si hebben tegen mi ghedacht, en verlaet mi niet) dat si ter auontueren hen niet en verheffen ^*).

* th. laet den ongodlicken zijn begeerte niet En sterct sinen moetwil nyet.

* the. Sela

10

^* Tbeginsele van haeren omloopenden arbeit) haerder lippen salse oueruallen.

* h. dongeluc

11

^* Die colen sullen ouer hen vallen) Ghi sultse int vier worpen) ^* ende si en sullen niet bliuen staende in catiuicheden).

* th. Colen suldy ouer hen worpen

* the. In dye cracht dat si niet en bliuen staen

12

Een clappaert en wort niet geuordert opter aerden, ^* dat quaet sal eenen ongerechtigen ende quade man vangen tot inder doot).

* th. een quaet ende boose man sal hem vangen

13

Ic weet dat die HERE des allendigen sake sal oordeelen, ende der armer sake sal hi wreken.

14

Maer ooc sullen die rechtuaerdige uwen naem beliden, ende die oprechtighe sullen voor uwe aensicht bliuen woonen.