De Vorsterman Bijbel

§ Dauids Psalm, hooch te singen. Den .c. ende .xxxviij. Psalm ⁺ § Domine proba.

+ int heb. den c.xxxix. ps.

2

⁺HEERE, ghi hebt mi ondersocht, ende gekennet. Ghi kennnede mijne sitten ende opstaen,

+ A

3

ghi verstaet mijne ghedachten, van verre. ^* Mijn padekens ende mijn erfdeel hebdy door gheghrondeert,)

* th. Ghi zijt om minen pat ende om mijn bedde

4

ende alle mijn weghen bespiedet. Want daer en is gheen woort op mijnder tonghen,

5

Siet, HEERE, ghi hebbet al ghekent, ^* het laetste ende nieuste, Ghi hebt mi ghemaect, ende v hant op mi gheleyt.

* th. Achter ende voren maket ghi mi Ende houdt uwe handt ouer mi, Sulcke bekennisse, is mi te hoge, Ick en mach daer niet aene,

6

Vwe conste ende wetentheyt is wonderlijck, geworden wt mi, si is ghesterct, ende ick en sal niet vermogen tot haer gereyken.)

7

Waer sal ick henen ghaen voor uwen gheest? ende waer sal ick vlieden voor uwe aensichte.

8

Ist dat ic ten hemele opclimme, soo zijt ghi daer ^* Daele ic neder) in die helle, so zijt ghi oock daer.

* th. make ic mijn bedde

9

Name ick ^* mijn vloghelen inder) dageraet, ende bliue woonen aent wterste der zee.

* th. vlogelen der

10

Soo sal nochtans uwe hant, mi aldaer leyden, ende uwer rechter hant, mi houden.

11

⁺Segge ic, duysternisse sullen mi misschien ^* vertreden) So is den nacht ooc lichte om mi.

+ B

* the. decken

12

Want die duysternisse en sal van v niet duyster worden, Ende die nacht sal licht worden, gelijc den dach, Ghelijc duysternissen zijn, soo sal dat licht zijn.

13

Want ghi hebt mijn nieren in uwer macht beseten, Ghi ^* hebt mi ontfanghen van), mijns moeders lichaem.

* the. waert ouer mi in

14

^* Ick sal v beliden, want ghi veruaerlike groot verheuen zijt), wonderlijck zijn uw wercken, Ende dat sal mijn ziele wel bekennen.

* th. ic dancke v daer af, dat ick wonderlijc ghemaect ben

15

Mijn gebeente en was v niet verholen, dwelcke ghi int heymelike gemaect hebt , ^* ende mijn substancie is daer af onder int binnenste der aerden.)

* h. daer ick ghebeeldet wert onder inder aerden

16

Vwe oogen sagen mi, doen ic onuolmaect was, ^* ende alle sullen si in uwen boecke gescreuen worden, Die daghen sullen ghemaect wor-

* th. ende waren alle daghe op uwen boec gescreuen die noch worden sullen der welker geen daer en was Maer hoe costelijc zijn voor mi god uwe gedachten, hoe groot is haere somme

[p. B7r]

den, ende niemant in hen.

17

V vrienden HERE zijn mi al te zeer gheeert, Haer heerlicheyt is seer versterct geworden)

18

Ic salse tellen ende si sullen vermenichfuldicht zijn, bouen tsant der zee, Ic ben opgestaen, ende noch ben ic met v.

19

Och God oft ghi die sondaren doodede ^* Ghi bloetgierige mannen wijct van mi.

* th Ende die bloetghierige van mi weken want si spreken tegen v ende uwe haters verheffen hen sonder oorsake, ende het verdriete my

20

Want ghi segt in uwe gedachten, Laetse haer steden innemen in ydelheyt.

21

En hate ic ymmer niet HERE, die v haten, ende ic verrottede) ouer uwe vianden.

22

Ic hatese met volcomen hate, Daerom zijn si mijn vianden geworden.

23

Ondersoect mi HERE, ende onderkent mijn herte, Vraecht mi ende onderkent mijn ^* paden).

* h. gedachten

24

Ende siet of eenen wech der boosheden in mi is, ende leydt mi opten eewighen wech.