De Vorsterman Bijbel

§ Dauids .c.xxxvij. Psalm. ⁺ § Confitebor tibi.

+ int heb. den c.xxxviij. psalm.

1

ICk sal v beliden wt geheelder mijnder herten ^* want ghi hebt gehoort die woorden mijns monts,) Voor der ^* Engelen) aensicht sal ick v lof singhen.

* ten is niet int hebree.

* the. goden.

2

⁺Ick sal aenbeden tot uwen heylighen Tempel, Ende uwen naem beliden van uwen barmherticheyt ende waerheyt, want ghi hebt uwen heylighen naem oueral heerlijck ghemaect. ^*

+ A

* th. door uwe woort.

3

In wat daghe, dat ick v aenroepe, soo verhoort mi, Ghi sult vermenichfuldighen die starcheyt, in mijnder zielen.

4

Alle coningen op-[kolom]ter aerden moeten v beliden, want si hooren die redene ws monts.

5

⁺Ende moeten singen opten wech des HEEREN, want die eere des HEREN is groot.

+ B

6

Want die HEERE is hooch ende aenschouwet dat nedere, ende kennet dat hooch is, van verre.

7

Al wandelde ick midden inden druck, so sult ghi mi nochtans leuende behouden, Ende ouer die toornicheit mijnder vianden hebdy uwe hant wtgestrect, ende uwe rechter hant heeft mi ghesont ghemaect.

8

Die HEERE salt voor mi betalen, HERRE, uwe barmherticheyt is inder eewicheyt, En wilt dwerck uwer handen niet ^* versmaden.)

* th. verlaten