De Vorsterman Bijbel

§ Een liedt int hooghe Den .c. ende .xxij. psalm. ⁺ Ad te leuaui oculos.

+ int heb. den c.xxiij. psal

1

⁺MIne ooghen hief ick op tot v, ghi die in den hemel woont.

+ A

2

Siet, ghelijck die ooghen der knechten, op die handen haerder heeren sien. Ghelijck die ooghen der maerten, op die handen haerder vrouwen, sien. Also sien onse ooghen, op den HEERE onsen God, tot dat hi ons ghenadich worde.

3

⁺Weest ons genadich HEERE, zijt ons ghenadich, Want wi zijn zeer veruult met versmadenisse.

+ B

4

Want onse ziele is zeer veruult, ende is een verwijt geworden, den oueruloedighen rijcken, ende een versmadenisse, den hoouaerdighen.