De Vorsterman Bijbel

Dauids .c. ende .xxi. ⁺ Psalm Een liedt int hooghe Letatus sum in his que dicta.

+ int. heb. den c. ende .xxij.

1

⁺ICk verblide mi in dien, dat mi gheseyt is, Dat wi in dat huys des HEEREN sullen ghaen.

+ A

2

Onse voeten sullen staen in uwe voorhouen Ierusalem.

[p. B5r]

3

Ierusalem die ghetimmert wort, als een stad, ^* wiens mede delinghe, is in haer seluen.)

* h. Die haer met malcanderen te samen houdt

4

Want aldaer hebben die gheslachten opgheclommen, te wetene, die gheslachten des HEEREN, te ghetuyghen Israel, om den naem des HEEREN te beliden.

5

Want aldaer sitten die stoelen totten oordeele, Stoelen ouer Dauids huys.

6

^* Bidt dat tot den vrede si van Ierusalem, ende latet gheschieden oueruloedelijck) den ghenen die v lief hebben.

* th. Groet Ierusalem vredelijck, het moete wel ghaen

7

Het moete vrede zijn ^* door uwe macht) ende oueruloedicheyt in uwen thorrens.

* the. binnen uwen mueren

8

Om mijnder broeders ende naesten vrienden wille, sprac ick vrede ouer v.

9

Om des huys des HEEREN ons Gods wille, so sochte ic goet tot uwen profite.