De Vorsterman Bijbel

Dauis liedt int hooghe den .c. ende .xxiij. psalm. ⁺ Nisi quia dominus

+ int heb. den c.xxiiij. psa

1

⁺WAert dat die HEERE niet in ons en ware, Israel segghe alsoo.

+ A

2

Waert dat die HEERE niet in ons en ware, Als die menschen hen teghen ons setten.

3

Soo souden si ons, messchien leuende veerslonden hebben, Als haer toornicheyt ouer ons verbolcht.

4

Soo soude messchien ons dat water verdroncken hebben,

5

Waterstroomen ^* is onse ziele doorgegaen. Ter auentueren onse ziele soude doorgegaen hebben een onuerdrachlijck water.)

* h. hadden ouer onse zielen ghegaen, daer waren also hooge wateren ouer onse zielen gheghaen.

6

Gebenedijt si die HEERE, dat hi ons niet tot eenen roof, in haer tanden ghegeuen en heeft.

7

Onse ziele is verlost ghelijck een ^* mussche) den stricke des vogelaers, Den strick is gebroken, ende wi zijn los gheworden.

* th. voghel.

8

Onse hulpe staet in den naem des HEEREN, die den hemel ende daerde gemaect heeft.