De Vorsterman Bijbel

§ Dauids .C.vi. Psalm. ⁺ § Confitemini domino quo.

+ int. heb. den C.vij. psal

1

^* BElijdet) den HEERE want hi is goet, want zijn barmherticheyt duert eewelijck.

* theb. danct.

2

Segghet ghi, die verlost zijt vanden HEERE, Die hi van des viants hant verlost heeft,

3

Ende die hi wt den landen tesamen ghebracht heeft, ⁺ Van der sonnen opganck tot daer si ondergaet, vanden ^* noorden,) ende vander zee.

+ A

* the. westen

4

Si ghinghen dolen in die woestine inden onghebaenden wech, ende en vonden gheene stadt, die bequaem was om te bewoonen.

5

Hongherich ende dorstich, ende haer ziele wert mat in haer seluen.

[p. B1r]

6

Ende si riepen totten HEERE, in haerder noot Ende hi verlostese wt haeren benautheden.

7

Ende leydese eenen rechten wech, dat si souden ghaen totter stadt daer si woonen.

8

^* Die barmherticheden Gods moeten den HERE beliden, Ende zijn wonderlicheden den) kinderen der menschen.

* th. Si dancken den heere, om zijn barmherticheyt, Ende om zijn wonder aen die

9

Want hi versadet die ^* ydele) siele, Ende veruulde die hongerige siele met goede.

* the. dorstighe

10

Die daer sitten in die duysternisse ende schaduwe des doots, geuangen in allendicheyt ende ysere.

11

Daeromme dat si die redenen Gods tot gramscap verwect hebben, ⁺ Ende den raet des alderhoochsten hebben si ^* te niet ghedaen.)

+ B

* theb. gelastert

12

Ende haer herte ^* is vernedert) in arbeyden zijn cranck geworden, ende niemant en isser gheweest diese holpe.

* th. heeft hi vernedert.

13

Ende si riepen totten HEERE in haerder noot, Ende hi hielpse wt haeren benautheden.

14

Ende leidese wt den duystere ende schaduwe des doots, ⁺ ende schoerde haer banden.

+ i.Timo. ij.

15

^* Die barmherticheden des HEEREN moeten hem beliden, ende zijn wonderlicheden, den) kinderen der menschen.

* th. Si dancken den heere, om zijn barmherticheyt, Ende om zijn wonder aen de

16

Want hi heeft in stucken gestooten die metalen porten, ende brack in stucken ysere grendelen.

17

^* Hi heeftse ontfangen vanden wech haerder boosheyt, om haer onrechtuaerdicheden zijn si verootmoedicht.)

* th. die dwase werden verootmoedicht om des wechs wille haerder ouertredingen, ende om haers misdaets wille

18

Haer ziele walgede van alle spise, ende si naecten vast aen die poorten des doots.

19

Ende si riepen totten HEERE in haerder noot ende hi hielp hen wt haeren benautheden.

20

Hi sondt zijn woort ende maectese ghesont, ende verlostese van haeren verderuen.

21

^* Die barmherticheden des HEREN belijden hem, ende zijn wonderlicheden, den) kinderen der menscen.

* th. si dancken den heere om zijn barmherticheit, Ende om zijn wonder aen die

22

Ende offerden dancoffer, ende vertelden zijn wercken met vrolicheden.

23

Die met schepen opt zee varen, ende bedriuen haer hanteringe in groote wateren.

24

Die selue sagen des HEEREN wercken, ende zijn wonderlicheden int diepe.

25

Hi spreect, dan ^* gaet liggen) den wint des onweders, ende zijn baren verheffen hen,

* the. so verheft hem

26

⁺Si climmen op totten hemel, ende dalen neder tot in den afgront, haer ziele wert in ongeualle verzaecht.

+ C

27

Si tumelen ende wagghelen gelijck eenen dronckene, ende alle haer wijsheyt is verslonden.

28

Ende si roepen totten HEERE in haerder noot, ende hi leytse wt haer benautheden.

29

^* Hi sette haer onweder in den lochte) ende haer baren sweghen.

* th. hi maecte dat onweder stille

30

Doen werden si blide dat stille geworden is, ende leydedaer si wilden.

31

^* Die barmherticheden des HEEREN moeten hem beliden, ende zijn wonderlicheden, den) kinderen der menschen.

* th. si dancken den heere om zijn barmherticheit, ende zijn wonder aen die

32

Ende verheffen hem onder die gemeinte des geloouende volcs, ende louen hem opten settel der [kolom] ouders.

33

⁺Hi stelde riuieren tot eender woestinen, ende die water aderen ^* tot dorste.)

+ D

* thebre. liet verdroogen

34

Een vruchtbaer lant in een ^* soutpekel lant Om der boosheyt wille der ghenen die daerinne woonen.

* h. onuruchtbaer

35

Hi maecte van eender woestinen, een staende water, Ende een dorre lant tot water aderen.

36

Ende sette die hongerige daerinne, Ende si maecten een stadt toe, om te woonen.

37

Ende si bezaeyden die ackeren, ende planten wijngaerden, ende maecten vruchten ^* der geboorten.)

* h. des incomens

38

Ende hi gebenedidese ende vermenichfuldichdese te male zeere, Ende en liet haers vees niet luttel zijn.

39

Maer haerder wert weyniger, ende werden neder gedruct. Vanden drucken der quader ende smerte.

40

Ende ^* den twist) is wtgestort, op die princen, ende dedese dolen op den onwech daer gheen bane en is. ⁺

* th. verachtinghe

+ Iob. xxij.c.

41

Ende beschuddet den armen van allendicheit ende ^* hi stelde die huysgesinnen als die scapen.)

* h. hi maecte hen gelijc een cudde scapen in vele gheslachten

42

Die oprechtige sullen haeren lust sien, ende hen verbliden, ende alle onrecht sal sinen mont toe moeten houden.

43

Wie is wijs ende sal dese dinghen bewaren? ende sal verstaen die barmherticheden des HEEREN.