De Vorsterman Bijbel

§ Dauids .C.iiij. Psalm. ⁺ § Confitemini domino, + inuocate

+ int. heb. den C.v. psal.

1

^+* BElijdet) den HERE ende aenroept sinen name, Maect kenlijc zijn wercken onder den volcken.

+ A

* theb. danct.

2

Singhet hem ende louet hem, vertelt van alle sine wonderlicheden.

3

^* Wort louende in) sinen heylighen name, Dat herte der genen die den HEERE soecken, verblijde hem.

* the. Beroemet

4

Soect den HEERE, ende ^* wordet gheuesticht) Soecket zijn aensichte in alle tijden,

* thebre. zijn stercte

5

Gedenct zijnder wonderlicker wercken die hi ghedaen heeft, zijnder wonderlicheden ende oordelen zijns monts.

6

Ghi saet Abrahams zijn knechts, Ghy kinderen Iacobs zijns wtuercorene.

7

Hi is die HEERE onse God, Sine oordee-

[p. A8r]

len zijn in allen landen.

8

Hi sal inder eewicheyt zijns verbonts ghedencken, diens woort dat hi geboden heeft op duysent leden,

9

Dat hi gemaect heeft met Abraham, ende sinen eedt met Isaac.

10

Ende stelde dat selue Iacob tot eenen rechte Ende Israel tot eenen eewighen verbont.

11

Ende sprack, V sal ick dat lant Canaan gheuen, dat snoer ws erffenisse.

12

Doen si een zeer cleyn volck waren int ghetal, ende vremdelinghen daer inne.

13

Ende si trocken van volc tot volc, vanden eenen conincrijc totten anderen volcke.

14

Hi en liet gheenen mensche hen leedt doen, ⁺ ende strafte coninghen om haeren wille.

+ B

15

En wilt mine ghesalfde niet aentasten, ende en wilt niet qualijc handelen mijn propheten,

16

Ende hi liet eene dierte int lant comen, ende onttrac alle voorraet des broots.

17

Hi sandt eenen man voor hem wech, Ioseph wert tot eenen knecht vercocht.

18

Si dwonghen sine voeten inden stock, ysere ghinck door sine ziele.

19

Totter tijt toe dat sine woort quam, ende die redene des HEEREN doorulamde hem.

20

Doen sandt die coninc, ende liet hem los geuen, die heere ouer tvolc, hiet hem wtlaten.

21

Hi sette hem tot eenen heere ouer zijn huys, tot een heerscap ouer alle zijn ^* besittinge.)

* theb. haue

22

Dat hi sine vorsten soude castiende onderwisen na sinen wille, ende sine ouderen voorsichtelijck wijsheyt leeren.

23

Ende Israel track in Egipten, ende Iacob wert een vremdelinc inden lande Cham.

24

⁺Ende hi liet zijn volck zeer vruchtbaer zijn, Ende maectese zeer machtiger dan haer vianden.

+ C

25

Hi veranderde der ghenen herte, dat si, zijn volck hateden, ende bedriechelijck doen souden, teghen sinen knechten.

26

Hi sandt sinen knechte Moysen ende Aaron dien hi hadde vercoren.

27

^* Hi stelde in hen die woorden zijnder teekenen) Ende zijn wonderen inden lande Cham.

* theb. Dese deden zijn teekenen onder hen

28

Hi sandt duysternisse, ende maectet duyster, ende en waren niet onghehoorsaem sinen woorden.

29

Hi veranderde haer water in bloet, Ende doodede haer visschen.

30

Haer lant wrimelde vorsschen wt, inde cameren haerder coninghen.

31

Hi sprack, doen quamen quade wormen, Luysen in alle haer palen.

32

Hi ghaf hen haghel tot reghen, viervlammen in haeren lande.

33

Ende versloech haer wijnstocken ende vij-[kolom]geboomen, ende brack die boomen instucken in haere palen.

34

Hi sprack, doen quamen sprinchanen, ende keppers, ende der seluer en was geen getal,

35

Ende die aten alle thoy in haren lande, ende adt die vruchten van haeren velde.

36

Ende sloech alle eerstgheboren in haeren lande, Alle eerstelinghe haers vermoeghens,

37

⁺Ende leydese wt met siluer ende gout, ende daer en was gheen siecke onder haer geslachten.

+ D

38

Egypten wert blide dat si wt trocken, Want haer vreese was op hen gheuallen.

39

Hi breyde een wolcke wt, tot eenen decsele, Ende vier des nachts om te lichten.

40

Si baden, doen quamen velthoenderen, Ende hi hi verzaedese met hemels broot.

41

Hi opende den steen, daer vloten wateren wt, Also dat die beke in die dorre woestine liep.

42

Want ghi ghedachtet zijns heylichs woorts, dat hi hadde tot Abraham sinen knechte ghesproken.

43

Also leyde hi zijn volc wt, met blijschapen, ende met ghenoechten sine wtuercorene.

44

Ende ghaf hen die landen der heydenen, ende si besaten die arbeyden des volcx.

45

Op dat si sine zeden souden houden, ende zijn wetten bewaren Alleluya.