De Vorsterman Bijbel

§ Dauids .C. ende .ij. Psalm. ⁺ § Benedic anima mea.

+ int. heb. den C.iij. psal.

1

⁺LOuet den HEERE, mijn ziele, ende alle mijn binnenste sinen heylighen name.

+ A

2

Louet den HERE mijn ziele, ende en vergetet niet wat hi mi weder goets ghedaen heeft.

3

Die alle uwer misdaet ghenadich is, ende heelet alle uwe crancheden.

4

Die v leuen verlost vanden kuyle, die v croonet met goetheyt ende ontfermherticheden.

5

Die uwe begheerten versaedet met goede, uwe ioncheyt sal vernieut worden, ghelijck eenen Aerne.

6

Die HEERE doet bermherticheden ende oordeel, allen die onrecht lijden,

7

Hi heeft sine weghen Moysi laten weten, den kinderen van Israel sinen wille.

8

⁺Ontfermhertich ende ghenadich is die HEERE, Lancmoedich ende zeer barmhertich.

+ B

9

Hi en sal niet inder eewicheit gram wesen, noch inder eewicheyt ende altoos dreyghen,

10

Hi en heeft niet met ons ghedaen na onsen sonden, Ende en heeft ons niet vergouden na onse misdaden.

11

Want inder hoocheyt des hemels vander aerden heeft hi gheuesticht zijn bermherticheyt, ouer die ghene die hem vreesen.

12

Also verre als dat oosten vanden westen is, heeft hi onse ouertredinghen van ons ghedaen,

13

Gelijc hem een vader ouer die kinderen ontfermt, also ontfermt hem die HEERE ouer de gene die hem vreesen,

14

⁺Want hi kent wat maecsele dat wi zijn, Hi gedenct dat wi stof zijn,

+ C

15

een mensche is ghelijck hoy, zijn dagen sullen wtbloemen als een bloeme des ackers.

16

^* Want den gheest sal voorbi ghaen in hem, ende hi en sal niet bliuen, ende en sal niet meer zijn plaetse bekennen.)

* the. Als de wint daer ouergaet, soo en is si niet meer daer, ende en kent niet meer haer stede.

17

Maer die ontfermherticheyt des HEEREN duert van eewicheyt to eewicheyt, ouer die ghene die hem vreesen, Ende sine rechtueerdicheyt tot kinders kinderen.

[p. A7v]

18

⁺Bi de ghene die zijn verbont onderhouden, ende gedencken zijnder geboden, dat si daer na doen souden.

+ D

19

Die HEERE heeft sinen stoel inden hemel bereyt, ende zijn conincrijck sal ouer alle heerscapen.

20

^* Ghebenedijt) den HERE ghi zijn enghelen machtich van crachten, ghy die zijn woort doet, datmen hoore die stemme zijnder redenen.

* theb. louet

21

^* Gebenedijt) den HERE alle zijn heyrscaren, Sijn dienaers ghi die zijn welbehagen doet

* theb. louet

22

^* Gebenedijt) den HERE alle zijn wercken in alle plaetsen zijnder heerscapien, ^* gebenedijt) den HERE mijn ziele.

* theb. louet

* theb. louet