De Vorsterman Bijbel

§ Een ghebet des allendighen, als hi bedroeft is, ende zijn reden voor den HEERE stort. § Dauids .C. ende .i. Psalm. ⁺ § Domine exaudi orationem

+ int. heb. den C. ende .ij. ps

2

⁺HEERE verhoort mijn ghebet, ende laet mijn roepen tot v comen.

+ A

3

En keert v aenschijn niet van mi, ter tijt der noot neycht v oore tot mi, In wat dach dat ick v aenroepe so verhoort mi haestelijck.

4

Want mine daghen zijn vergaen ghelijck eenen roock, ende mijn gebeenten zijn ^* verdorret ghelijc eenen brant.)

* thebr. verbrant.

5

^* Ick ben gheslaghen als hoy, ende mijn herte is verdorret,) Want ick hebbe vergeten mijn broot te eten.

* theb. Mijn herte is neder geslagen ghelijc gras, ende verdorret.

6

Mijn ghebeente cleeft aen minen vleesche, Vander stemmen mijns suchtens.

7

Ic ben ghelijc een pellicaen inder woestinen. Ic ben gelijc een ⁺ nachtuoghele ^* int huys.)

+ Nachtuoghele een wlken.

* theb. in die verstoorde steden

8

Ick hebbe ghewaect, ende ben gelijck geworden ^* eender eensame musse inden dake.)

* theb. een eenich vogel opten dake.

9

Daghelijcx lachterden mi mine vianden, ende die mi bespotteden, swoeren teghen mi.

10

Want ick adt asschen ghelijck broot, ende mengde minen dranck met weenen.

11

⁺Vanden aensichte uwer gramschap dijnder ongenaden dat ghi mi hebt opghenomen ende wech gheworpen.

+ B

12

Mijn daghen zijn gheweken ghelijck een scaduwe, ende ick werde dorre ghelijck ^* hoy)

* theb. gras

13

Maer ghi HEERE blijft inder eewicheyt ende uwe gedachtenisse van geslachte tot gheslachte.

14

Ghi sult opstaen ende ouer Sion ontfermen, want het is tijt dat ghi haer genadich zijt, ende die vre is ghecomen.

15

⁺Want haer steenen behagen uwen knechten ende si sullen haerder ^* aerden ontfermen.)

+ C

* theb. stoue ghunstich zijn.

16

Ende die heydenen sullen uwen naem vreesen ende alle coninghen opter aerden uwe eere.

17

Want die HEERE heeft Sion ghetimmert ende sal ghesien worden in zijn eere.

18

Hi heeft neder ghesien totten ghebet der ^* ootmoediger) ende en versmaet haer gebet niet.

* the. verlatenen.

19

Dat worde gheschreuen op die nacomelinghen, ende dat volck dat ghescapen sal worden sal den HEERE louen.

20

Want hi aenschouwet van zijnder heyliger hoochten, ende die HEERE siet vanden hemel opter aerden.

21

Op dat hi dat suchten der geuangenen soude hooren, ende verlossen die kinderen ^* der genen die ghedoot zijn.)

* thebre. des doots

22

⁺Op dat si te Sion prediken sinen name, ende sinen lof te Ierusalem.

+ D

23

Als die volcken te samen comen, Ende de ^* coninghen) om den HEERE te dienen. [kolom]

* the. conincrijcken.

24

^* Hi heeft hem geantwoort opten wech zijnder cracht, bootscapt mi die cleynheyt mijnder dagen.)

* the. hi ootmoedicht opten wege mijn crachte, hi vercort mijn dagen, Ic segge Mijn God

25

En neemt mi niet wech inder helft mijnder daghen, uwe iaren dueren van gheslachte tot gheslachte.

26

Ghi hebt vanden beghinne die aerde ghefundeert, ende die hemelen zijn uwer handen werc.

27

Si sullen vergaen, maer ghi blijft, si sullen alle verouden ghelijc een cleet. Ende als ghise ghelijck een ghewaedt verandert, sullen si verandert worden.

28

Maer ghi zijt die selue, ende uwe iaren en nemen gheen eynde.

29

Die kinderen uwer knechten sullen bliuen, ende haer zaet sal voor haer staende bliuen.