De Vorsterman Bijbel

§ Dauids .C. Psalm. ⁺ Misericordiam et iudicium.

+ int heb. den C.i. psalm

1

⁺HEERE, ick sal v singhen barmherticheyt ende oordeel,

+ A

2

Ick sal singhen ende verstaen inden onbeulecten wech, wanneer sult ghi tot mi comen? Ick wandelde in onnooselheyt mijnder herten, int middel van minen huyse.

3

Ick en sette gheen onrechtuaerdighe sake voor mijn ooghen, Ic hatede ^* die ghene die ouertredinghe deden.

* th. dat doen des ouertreders ende ten blijft niet bi mi. Een verkeert herte moet wiken van mi want de quade en lide ic niet

4

⁺Mi en cleefde oock niet aen een quaet herte, ende ick en kende die quaden niet die van mi wijcten.)

+ B

5

Die sinen naesten heymelijcken lachtert, dien veruolchde ic, ^* Ick en adt niet met den hoouaerdighen van ooghen, ende die onuersadelijck van herten is.)

* the. ick en vermach niet den stouten van gesichte ende den houerdigen van herten

6

Mijn oogen sien na die ghetrouwe des landts, dat si bi mi souden woonen, ende die in eenen onbesmetten wech wandelt, die sal mi dienen.

7

^* Die hoouaerdeliken spreect, en sal niet woonen int middel mijns huys, die bedriechlijck spreect, en vordert niet int aenscijn mijnder oogen)

* h. Die met bedroch omghaet, en moet niet in mijn huis bliuen, Die liecht, en sal voor mi niet bliuen

8

Vroech vernielde ic alle sondaren vant

[p. A7r]

lant, dat ick alle quaetdoenders soude wtroeden wt der stadt des HEEREN.