De Vorsterman Bijbel

§ Dauids .xcvij. Psalm. ⁺ § Cantate domino.

+ int heb. den xcviij. psal

1

⁺SInghet den HEERE, een nieu liedt, want hi wonderlicheden gedaen heeft.

^* Sijn rechter hant heeft voor hem ghesont ghemaect ende sinen heylighen arm.)

+ A

* the. zijn salicheit heeft hi met zijnder rechter hant ende met sinen heiligen arm gedaen

2

Die HEERE heeft sine salicheyt kenlijck ghemaect, Voor des volcs aenschijn heeft hi gheopenbaert sine rechtueerdicheyt.

3

Hi heeft ghedacht zijnder barmherticheyt ende warachticheyt, den huyse van Israel, Alder werelt eynden sagen, die salicheyt ons Gods,

4

⁺Iubileert den HEERE alle aertrijc singhet, verblijt v ende singhet lof. ⁺

+ B

+ (Iubileren) is wt blijscappen roepen

5

Louet den HEERE met Harpen, met Harpen ende claeren Psalmen.

6

Met Trompetten ende in die stemme der ^* horen) Basoenen, Iubileert int aenschijn des conincs des HEEREN.

* theb. clare

7

Die zee pruyssche ende haer volheyt, der aerden rinck, ende alle die daer in woonen.

8

Die waterstroomen moeten die handen van blijschapen te samen slaen, ende die berghen sullen tesamen vrolijck zijn

9

vanden aenschijn des HEEREN. Om dat hi coemt dat aertrijck te oordeelen, Hi sal dat gheheele aertrijck oordeelen met rechtuaerdicheyt, ende tvolck in ghelijcheyt.