De Vorsterman Bijbel

§ Dauids .xcviij. Psalm. ⁺ Dominus regnauit.

+ int heb. den xcix. psalm

1

⁺DIe HEERE heeft gheregneert, laet vry die volcken gram wesen, Ghi die op Cherubim sidt, latet aertrijck beuen.

+ A

2

Die HEERE is groot in Sion, ende hooghe bouen alle volcken.

3

Laetse belijden uwen grooten naem, want hi vreeselijck is ende heylich,

4

ende die ^* eere) des conincs bemint dat oordeel. Ghi hebt bereit ^* die beschickingen) ghi hebt [kolom] in Iacob ghedaen oordeel, ende rechtuaerdicheyt.

* the. stercte

* th. wat oprecht is

5

⁺Verheft den HEERE onsen God, ende aenbedet ^* zijn voetbanck, want tis heylich.)

+ B

* th. tot zijnder voetbanc want hi is heilich

6

Moyses ende Aaron onder zijn priesteren, ende Samuel onder die ghene die sinen naem aenroepen. Die riepen aenden HERE, ende hi ^* verhoordese.)

* theb. antwoorde hen

7

Hi sprack tot hen door een wolck calumne, Si hielden zijn ghetuyghenissen, ende ^* tghebot dat hi hen ghaf.)

* the. zeden die hi hen ghaf

8

HEERE, ghi zijt onse God, ghi verhoordese, Ghi God waert hen genadich, ende wraect alle haer nieuwe vonden.

9

Verheft den HEERE onsen God, ende aenbedet op sinen heylighen berghe, want die HEERE onse God is heylich.