De Vorsterman Bijbel

§ Dauids .xcv. Psalm. ⁺ Cantate domino.

+ int hebr. den xcvi. Psal.

1

⁺SInghet den HEERE een nieuwe liedt Singhet den HEERE, alle aertrijck.

+ A

2

Singhet den HEERE ende gebenedijt sinen naem, Prediket den eenen dach aen den anderen, sine salicheyt.

3

Vertelt onder die heydenen zijn eere, onder alle volcken, sine wonderlicheden.

4

Want die HEERE is groot, ende zeer hooch loeflijck, ende vreeselijck bouen alle Goden.

5

⁺Want alle goden der volcken zijn duyuelen Maer die HEERE heeft die hemelen ghemaect.

+ B

6

Belijdinge ende schoonheit is in zijn aensichte, heylicheyt ende groote miltheyt in zijn ^* heylichmakinghe.)

* th. heylichdom

7

Ghi gheslachten des volcks, brenghet herwaerts, brenget den HEERE, eere ende stercte.

8

Brenghet den HERE, eere tot sinen naem Neemt offerande, ende coemt in sinen voorhoue.

9

Aenbidt den HEERE in sinen heyligen ^* voorhof) Alle daertrijc moet beroert worden van sinen aensichte.

* th. vercieringhe

10

Segget onder de heidenen, dat die HEERE heeft gheregneert. ⁺ Want die HEERE heeft vastgemaect dat geheele aertrijc dat niet boeroert en sal worden hi sal de volcken oordeelen in rechtueerdicheyt.

+ C

11

Die hemelen moeten hen verbliden ende die aerde si vrolijck, Die zee pruyssche, ende ^* alle haer volheyt.)

* thebr. wat daer in is

12

Die velden sullen verbliden ende alle wat daer op is, Dan sullen alle boomen inden woude vrolijc zijn

13

vanden aensichte des HEEREN, dat hi ghecomen is, om dat aertrijck te oordeelen. Hi sal die gheheele werelt oordeelen, met rechtuaerdicheyt, ende die volcken, metter waerheyt.