De Vorsterman Bijbel

§ Dauids .xc. Psalm. Een liedt des Sabboth daechs int hebr. den xci. psalm. Qui habitat.

1

WIe dat woont in die hulpe des alderhoochsten, die sal woonen in die bescermenisse des God des hemels.

2

Hi sal segghen den HEERE, ghi zijt mijn ontfangher, ende mijn toeulucht, ende mijn God, ic sal in hem hopen.

3

Want hi heeft mi verlost vanden stricke der iaghers, ende van ^* dat scerpe woort.)

* the. vande scadelijcke pestilentie

4

Hi sal v beschaduwen met sinen vloghelen,

[p. A5v]

^* ende ghi sult hopen) onder zijn vloghelen.

* th. ende uwe toeuersicht sal zijn

5

Sijn waerheyt sal v omghripen met den scilt, Ghi en sult niet vreesen voor den grouwel des nachts.

6

⁺Vanden ghescutte dat des daghes vliecht, van een ^* hinderlicke bootscap) inder duysternisse wandelende, ^* vanden aenloop ende middaechschen duyuel.)

+ B

* theb. pestilencie

* theb. voor de scadelijcke siecte, die des middaechs verderuet

7

Aen uwer siden salder duysent nederuallen, ende thienduysent van uwer rechter side, maer tot v en salt niet ghenaken.

8

⁺Maer nochtans suldi met ooghen ^* aenmercken) en ghi sult sien de betalinge der ongodliken.

+ C

* the. uwen lust sien

9

Want HEERE ghi zijt mijn hope, ghi ghi hebt dijn toeulucht opt alderhoochste gestelt.

10

Tot v en sal geen quaet comen, ende geen plaghe en sal uwer wooninghe ghenaken,

11

Want hi heeft sinen enghelen beuolen van v, dat si v in alle uwe wegen souden bewaren

12

Si sullen v in die handen dragen, dat ghi uwen voet aen gheen steenen messcien en verstuyct.

13

^* Op die slanghe ende Basilisscus sult ghi gaen, ende treden opten leeuwe ende drake.)

* the. Opten leeu ende adere sult ghi gaen, ende treden opten iongen leeu ende den draec

14

Want hi in mi ghehoept heeft, sal ic hem wt helpen, ic sal hem bescudden, want hi kennet minen naem.

15

Hi heeft mi aengeroepen ende ic sal hem verhooren, ic ben bi hem inder noot, ick salder hem wttrecken, ende hem eeren.

16

Ick sal hem versaden met lange leuen, ende wil hem toonen mijn salicheyt.