De Vorsterman Bijbel

§ Een onderwisinge Ethan des Efrahiten, Den .lxxxviij. Psalm. ⁺ Misericordias domini in.

+ int heb. den lxxxix. psa

2

⁺ICk sal die barmherticheden Gods singen inder eewicheyt, Van geboorte tot gheboorte sal ick uwe waerheyt met minen mont vercondighen.

+ A

3

^* Want ghi hebt gheseyt) die barmherticheit sal inder eewicheit ghetimmert worden, in die hemelen, uwe waerheyt sal in hen bereyt worden.

* theb. want ick segghe

4

Ick hebbe een verbont gemaect met minen wtuercorene, Ick hebbe Dauid minen knechte ghesworen,

5

Ick sal v zaet bereyden, tot in der eewicheyt, Ende uwen stoel sal ick timmeren, van gheslachte tot gheslachte.

6

Ende die hemelen sullen, HEERE, uwe wonderlicheyden belijden, Ende uwe waerheyt, in der verghaderinghe der heylighen

7

Want wie sal, den HEERE gheleken worden inder wolcken? ⁺ Ende ghelijck zijn, den HEERE, onder den kinderen ^* Gods.)

+ B

* th. der goden

8

God die zeer groot verheuen wort in den raet der heylighen, Hi is groot ende veruaerlijck bouen alle die omtrent hem zijn.

9

HEERE Godt der heyrcrachten, wie is gelijck als ghi, ghi HEERE zijt machtich, ende uwe waerheyt is rontsom omtrent v.

10

Ghi heerschapt ouer die machte der zee, Ghi stillet haere Baren, als si hen verheffen.

11

⁺Ghi hebt vernedert, den hooueerdigen, als eenen gewonden, metten arm uwer crachten hebdy verstroyt uwe vianden.

+ C

12

V behooren toe de hemelen, die aerde is uwe Ghi hebt ghefundeert die rontheyt der aer-[kolom]den met ^* haer volheyt.)

* h. dat daer in is

13

Noorden ende dat zuyden hebt ghi geschapen, Thabor ende Hermon sullen hen verhueghen i in uwen naem.

14

Ghi hebt eenen geweldigen arm. Laet uwe handt gheuesticht worden, ende uwe rechter hant verheffe, rechtueerdicheyt, ende doordeel is de bereydinghe ws stoels,

15

Barmherticheyt ende waerheyt sullen ghaen voor uwe aensicht,

16

Salich ist volck dat Iubileren kan. HERE, si sullen int licht ws aensichts wandelen,

17

ende in uwen naem sullen si hen den gheelen dach verbliden, ende in uwe rechtueerdicheyt sullen si verheuen worden.

18

Want ghi zijt ^* die glorie) van haerder crachte, ende door uwe gunste, sal verheuen worden onsen horen.

* th. den roem

19

⁺Want ^* des HEEREN is onse opneminge ende des heylighe Israel onse conincs.)

+ D

* th. vanden HEERE is onsen schilt, ende vanden heylige van israel is onse coninck

20

Doen ter tijt spraect ghi int ghesichte tot uwen heylighen, ende seyt, Ick hebbe hulpe ghestelt op eenen machtighen, Ende ic hebbe verheuen eenen wtuercorenen van mijnen volcke.

21

Ick hebbe gheuonden mijnen knecht Dauid, Ick hebbe hem ghesalft met mine heylige olie.

22

Want mijn hant sal hem helpen, ende minen arm sal hem vast maken.

23

⁺Die viant en sal gheenen voorspoet tegen hem hebben, ende die sone der boosheyt en sal niet toe setten, om hem te schaden.

+ E

24

Ende ick sal sine vianden slaen van sinen aensichte, ende die hem haten, sal ick doen keeren tot vluchte.

25

Ende mijn waerheyt ende mijn barmherticheyt sal bi hem zijn, ende sinen horen sal in minen naem verheuen worden.

26

Ende ic sal zijn handt in die zee stellen, ende sine rechterhant, in die vloeyende stroomen,

27

Hi sal mi aenroepen, ghi zijt mijn vader, mine God, ende een stercte mijnder salicheyt.

28

Ende ick sal hem tot eenen eersten geboren sone stellen, den alderhoochsten voor die coninghen der aerden.

29

⁺Ick sal hem eewelijck behouden, mijn barmherticheyt, ende mijn verbont sal hem ghetrouwe bliuen.

+ F

30

Ick sal zijn zaet setten inder eewicheyt, ende sinen stoel ghelijck die daghen des hemels,

31

Maer ist dat zijn kinderen, mijn wet verlaten, ende in mijn rechten niet en wandelen.

32

Ist dat si mijn zeden ontheylighen, ende nijn gheboden niet en houden.

33

So sal ick haer misdaden metter roeden besoecken, ende met slaghen haere sonden.

[p. A5r]

34

Maer mijn ontfermherticheyt en sal ick niet van hem doen, ende ick en sal hem gheen schade doen in mijnder waerheyt.

35

Ic en sal ooc mijn verbont niet ontheyligen, ende so wat wt mijn lippen is gegaen, en sal ic niet ^* te niet doen.)

* th. veranderen

36

Ic heb eens gesworen ^* in mine heylighe) Ic en sal Dauiden niet lieghen,

* thebr. door mijn heylicheyt.

37

Sijn zaet sal bliuen inder eewicheyt.

38

Ende sinen stoel is voor mijn aensichte, als die sonne, Ende als een volmaecte mane inder eewicheyt, ende een ghetrouwe ghetuyghe aenden hemelen.

39

⁺Maer ghi verstootet, ende veracht ^* ende verstroyt) uwen ghesalfden.

+ F

* the. ende zijt verstoort op.

40

Ghi hebt afgekeert tverbont ws knechts, ende ontheylighet opter aerden zijn ^* heylichdom.)

* the croone

41

Ghi hebt verdoruen alle zijn tuynen, ende ghi hebt ^* anxt geset zijn vasticheyt)

* the. zijn vasticheyt gebroken

42

Alle die voorbi den wech gingen, trocken hem ontstucken, hi is sinen gebueren een verwijt gheworden.

43

Ghi verhieft de rechter hant der ghenen die hem verdructen, ende verblijdet alle sine vianden.

44

Oock hebt ghi die hulpe zijns sweerts afghekeert, ende inden strijt en hebdi hem niet gheholpen.

45

Ghi hebt hem verdoruen van sine reynicheyt, ende worpet sinen stoel daer neder inder aerden intwee.

46

Ghi hebt vermindert die daghen ^* zijns tijts) ende hebt hem ouergoten met bescaemtheyt,

* th. zijnder ioncheyt.

47

HEERE, hoe lange ^* keert ghi v af totten eynde toe?) ende hoe langhe sal uwe verbolghentheyt ghelijck vier bernen?

* the. wildy v so geheel verbergen

48

⁺Gedenct ^* toch welcke mine substancie is), hebdi oock te vergheefs ghestelt die kinderen der menschen?

+ G

* th hoe cort dat mijn leuen is.

49

Wie is die mensche die leeft, ende en sal den doot niet sien? die zijn ziele sal verlossen, wt die hant der hellen?

50

HEERE, waer zijn v oude barmherticheden, die ghi ghesworen hebt Dauid in dijnder waerheyt.

51

HEERE, ghedenct des verwijts uwer knechten, dat ick ^* hielt) in minen schoot van vele volcken.

* the. drage.

52

Die welcke HEERE uwe vianden verweten hebben, Daer mede si lachteren de ^* veranderinghe) ws ghesalfden.

* the. voetstappen.

53

Ghelouet si die HEERE eewelijck, Dat moet gheschieden dat moet geschieden.