De Vorsterman Bijbel

§ Een psalm liedt der kinderen Chore, hooch te singhen inden choor, deen na den anderen, Een onderwisinghe Heman des Efraiten, Den .lxxxvij. psalm. ⁺ Domine deus salutis.

+ int heb. den lxxxviij. ps

2

HEERE, Godt mijnder salicheyt, Ick riep dach ende nacht voor v.

3

Laet mijn ghebet voor v aensichte comen, Neycht uwe ooren tot mijnder beden.

4

Want mijn ziele is veruult met quaden, Ende mijn leuen is na bi der hellen genaect.

5

Ick ben geacht met den ghenen die in den put neder dalen, ⁺ Ick ben ghelijck een man sonder hulpe,

+ A

6

onder die dooden vry. Ghelijc die verslagene die inden graue slapen, Dier ghi niet meer en gedenct, ende van uwer hant verworpen zijn.

7

^* Si hebben) mi in den ondersten kuyl geleet ⁺ In die duyster plaetsen, ende in die ^* schaduwe des doots.)

* h. ghi hebt

+ B

* the. diepte.

8

Vwe verbolgentheyt is gheuesticht ouer mi, Ende ghi hebt ouer mi gheleyt alle uwe vloeden.

9

Mine bekende, hebt ghi verre van mi gedaen, ^* si hebben) mi hem tot een afgriselicheit gestelt ^* Ick ben gheleuert, ende en ghinck niet wt.)

* h. ghi hebt

* th. Ic ligge geuangen ende en can niet wt gecomen.

10

Mine ooghen zijn siec gheweest van allendicheyt, HEERE, ic roepe tot v, Ick stack mijn handen wt tot v, den geheelen dach door.

11

Sult ghi oock den dooden, wonderlicheden

[p. A4v]

doen? ^* oft sullense die medicinen verwecken ende si v beliden?)

* the. oft sullen die verstoruene opstaen ende dancken v

12

Sal oock yemant in den graue vertellen, uwe bermherticheyt, ende uwe waerachticheyt in die verderuinghe?

13

⁺Sullen oock dan uwe wonderlicheden in duysternisse bekent worden? Oft uwe rechtueerdicheit inden lande der verghetentheyt?

+ C

14

Ende ick riep tot v HERE, ende mijn ghebet sal v vroech voorcomen.

15

Waeromme verstoot, ghi HEERE, mijn ^* ghebet) Ende verberghet v aenschijn voor mi?

* thebr. ziele

16

Ick ben arm ende ^* in arbeyt van mijnder ioncheyt, maer doen ick verheuen was, ben ick vernedert ende verstoort.)

* th. aelmahtich dat ic so verstooten ben, ick lide verscrickenisse

17

Vwe gramschappen zijn ouer mi wtgegaen ende veruaertheden hebben mi verbaest ghemaect.

18

⁺Si omringden mi den geheelen dach als water, Ende si omsinghelden mi tesamen

+ D

19

Ghi hebt minen vrient ende naesten verre van mi gedaen, Ende mijne bekende ^* vander katiuicheyt.)

* the. afghekeert