De Vorsterman Bijbel

§ Een Psalmliedt der kinderen Chore, hooch te singhen. § Den .lxxxiiij. Psalm. ⁺ § Benedixisti domine.

+ int heb. den lxxxv. psal

2

HEERE, ghi hebt ^* ghebenedijt uwen lande) Ende hebt ^* afgekeert, die geuanckenisse) van Iacob.

* th. bemint uwe lant

* the. wederghebracht die geuangenen

3

⁺Ghi hebt vergheuen die misdaet ws volcs Ende hebt bedect alle haer sonden.

+ A

4

Ghi hebt alle uwe gramscap met saechtmoedicheyt ghestilt, Ende hebt v afgekeert vander verbolgentheyt uwer toornicheyt.

5

Bekeert ons God, onse salicheyt, ende keert af uwe toornicheyt van ons.

6

Sult ghi eewelijck op ons gram zijn? Oft suldy uwe grmschap wtstrecken van gheslachte tot gheslachte?

7

^* God als ghi omgekeert zijt) suldi ons leuen-

* theb. Ghi moet ons vermaken soo

[p. A4r]

de maken, ende v volc sal hen in v verbliden.

8

HEERE, toont ons uwe bermherticheyt, Ende gheeft ons uwe salicheyt.

9

Ick sal hooren, wat God die heere in mi sal spreken, want hi sal vrede spreken, tot sinen volcke, ende ouer sinen heylighen ^* ende tot den ghenen, die bekeert worden ter herten.)

* theb. dat si niet tot sotheit en keeren

10

Nochtans is zijn salicheyt na, den ghenen die hem vreesen, ⁺ op dat in onsen lande, eere woone.

+ B

11

Barmherticheyt ende waerheyt ghinghen te ghemoet malcanderen, Rechtueerdicheyt ende vrede hebben malcanderen ghekust.

12

Die waerheyt is opghesproten wter aerden, ende die rechtuaerdicheit sach neder vanden hemel.

13

Want die HEERE sal goedertierenheyt gheuen, Ende onse lant sal sine vruchten geuen

14

Gherechticheyt sal voor hem wandelen, ende sine treden op den wech setten.