De Vorsterman Bijbel

§ Den .lxxxiij. Psalm, Der kinderen Chore, ouer die Perse hooch te singhen. ⁺ Quam dilecta tabernacula tua.

+ int heb. den lxxxiiij. ps.

2

⁺HOoe lieflijck zijn uwe wooningen HERE der heyrcrachten.

+ A

3

Mine ziele verlanget, ende ic ben ontbroken na den voorhouen des HEEREN, Mijn herte ende mijn vleesch hebben hen verblijdt in den leuenden Godt.

4

Want die Mussche heeft voor haerseluen een huys geuonden, ende die ^* tortelduyue) haeren nest, daer si haer ionghen henen leyt, te wetene, uwe altaren HEERE der heyrcrachten, Mijn coninck ende mijn God.

* th. die swalewe

5

⁺Salich zijn si, die in uwen huyse woonen, die sullen v louen in den tijt der eewicheyt.

+ B

6

Salich is die man ^* wiens hulpe van v is,

* theb. die in v sterck is der welcker banen in haere herte zijn, Die door dat dal der tranen gaen ende makent tot eender fonteynen ende die putten, sullen met regen worden veruult, Sy ghaen van deen stercte tot die andere, ende openbaren bi God tot Sion

7

hi heeft geuoecht die opclimmingen in zijn herte int dal der tranen, in die plaetse die hi sette.

8

Want die wetgeuer sal die gebenedijnghe gheuen, Si sullen gaen van duechde in duechden, Die God der Goden sal in Sion ghesien worden.)

9

HEERE God der heyrcrachten, hoort mijn ghebet, Verneemt metten ooren, Iacobs God.

10

Aenschouwet God onse beschermer Aensiet dat aenghesicht ws ghesalfden.

11

Want eenen dach in uwen voorhouen, is beter, dan duysent, Ick heb ^* vercoren verworpen te wesen) in mijns Gods huyse, dan langhe te woonen in den wooninghen der ongodlijcken.

* the. lieuer die dore te wachten

12

^* Want Godt bemint warachticheyt, ende waerheyt) die HEERE sal gheuen ghenade ende eere,

* th. want die sonne ende scilt is god die HEERE

13

Den ghenen die in onnooselheit leuen, en sal hi niet beroouen van goeden.

14

HEERE der heyrcrachten, salich is die mensche die hem op v verlaet.