De Vorsterman Bijbel

§ Een Psalm liedt Asaph. Den .lxxxij. Psalm ⁺ Deus quis similis.

+ int heb. den lxxxiij. ps.

2

^+* GOd wie sal ws ghelijcke zijn, en swiget niet, ende God, en laet v niet bedwinghen.)

+ A

* th. God en swighet v niet, ende en weest niet stille, God en houdt, niet inne.

3

Want siet, uwe vianden hebben geluyt ghemaect, ende die v haten, hieuen haer hooft op.

4

^* Si hebben raet begheert,) tegen v volck, ende ^* hebben gedacht tegen v heylighen)

* h. Si dachten listichlijck

* th. hielden raet tegen uwe verborgene

5

Si spraken, Coemt herwaerts, laetse ons verstroyen vanden volcke, ende en laet gheen vermaen meer doen van Israels naem.

6

^* Want si hebben hen bedacht, eendrachtelick) tegen v, ende maecten met malcanderen een verbont.

* th. si berieden hen in haere herten

7

Die wooningen der Idumiten ende Ismaëliten, Moabiten ende Agarenen,

8

Gebalieten, ende Ammoniten, ende Amalechiten, die ^* vremde luyden) met den ghenen die in Tyro woonen.

* the. Pheli.stinen

9

Want Assur is oock met hem ghecomen, si zijn ^* in hulpe) geworden den kinderen van Loth.

* theb. eenen arm

10

⁺Doet hen ghelijck den Madianiten ende Sisare, gelijc Iabin aen die beke Cyson.

+ B

11

Die verdaen zijn te Endor, ende zijn geworden als dreck der aerden.

12

⁺Stelt haer vorsten ghelijc Oreb, ende Seb ende gelijck Sebee, ende Salmana, alle haer princen,

+ C

13

die gheseyt hebben, laet ons besitten in erffenisse die heylighe plaetse Gods,

14

Mijn God, steltse gelijc een rat, ghelijc een stoppel voor des wints aensicht.

15

Ghelijck een vier dat eenen bosch verbrandet, ende gelijck een vlamme die de bergen verbrandt,

16

Alsoo suldise veruolghen in onwedere, ende ^* in uwen toorne) suldise verbaest maken,

* the. met uwen onwedere

17

Maect haer aensicht vol schanden, ende dan sullen si uwen naem soecken.

18

Laetse hen schamen ende verbaest wesen van ouderdom tot ouderdom, ende laetse beschaemt worden ende verghaen.

19

Ende laetse bekennen, dat uwen naem is, die [kolom] HEERE, dat ghi zijt alleen die alderhoochste bouen dat alle aertrijcke.