De Vorsterman Bijbel

§ Dauids ghebet Den lxxxv. Psalm. ⁺ Inclina domine aurem.

+ int heb. den lxxxvi. ps.

1

⁺HEERE, neyghet uwe oore, ende verhoort mi, Want ick ben allendich ende arm.

+ A

2

Bewaert mine ziele, want ick ben heylich, Mijn God, maect uwen knecht gesont die op v hopet.

3

HEERE, weest mi genadich, want ick riep tot v den gheheelen dach door.

4

Verblijt die ziele ws knechts, Want HEERE, tot v hief ick mijn ziele.

5

Want ghi HEERE zijt ^* soete ende saechtmoedich) Ende zeer saechtmoedich, allen den ghenen die v aenroepen.

* th. goet ende ghenadich.

6

HEERE, verneemt mijn gebet met uwen ooren, ende aenmerct die stemme mijns bedens

7

Inden dach des noots aenroepe ic v, Want ghi verhoort mi.

8

HEERE, ws en is gheen gelijcke onder die goden, ende daer en is niemant ^* na uwen wercken.)

* the. diet gedoen can gelijck ghi

9

Alle die heydenen die ghi gemaect hebt, sullen comen, ⁺ ende voor v aenbeden, HERE, ende uwen naem eeren.

+ B

10

Want ghi soo groot zijt, ende wonder doet, Ghi zijt God alleene.

11

Leydet mi HEERE, in uwen wech, dat ick inghae in uwer waerheyt, ende mijn herte moet hem verblijden, om te vreesen uwen naem

12

Ick sal v belijden, HEERE mijn Godt, in mijnder gheheelder herten, ende louen uwen naem inder eewicheyt.

13

Want uwe ontfermherticheit is groot ouer mi, Ende ghi hebt mijn ziele verlost wt der onderster hellen.

14

God, die onduechdelike zijn opgestaen tegen mi, ⁺ Ende die vergaderinge der machtiger heeft gesocht mijn ziele, Ende en stelden v [kolom] niet voor haeren oogen.

+ C

15

Ende ghi HEERE Godt, zijt ontfermhertich ende genadich, Lancmoedich van grooter ontfermherticheyt, ende waerachtich.

16

Siet op mi, ende zijt mi genadich, gheeft uwen knechte uwe ^* gebot) Ende maect gesont, den sone uwer dienstmaerte.

* the. stercte

17

Doet een teeken met mi int goede dat zijt sien, dien mi haten, ende beschaemt worden. Dat ghi mi hebt geholpen, HERE ende mi vertroost.