De Vorsterman Bijbel

§ Eenen psalm ende ghetuyghenisse Asaph vanden lelien hooch te singen. § Den .lxxix. psalm. ⁺ § Qui regis.

+ int heb. den lxxx. Psal.

2

⁺GHi ^* die Israel regeert, merct aen, die Ioseph leydet ghelijck als een schaep.) Ghi die zijt bouen Cherubim, openbaert

+ A

* the. herder van Israel hoort, ghi die Ioseph hoedet gelijc die schapen

3

voor Ephraim, Ben iamin, ende Manasse. Verwect v machticheyt, ende coemt dat ghi ons ghesont maect.

4

God bekeert ons, vertoont ons v aensicht, ⁺ ende wi sullen salich wesen.

+ Numer. ij.

5

HEERE God der heyrcrachten, hoe lange suldy toornich zijn, ouer dat ghebet ws ^* knechts?),

* theb. volcs

6

Ghi ^* hebt ons) ghespijst met tranen broot, ende ghi ^* hebt ons) met tranen ghedrenct in ^* maten)

* the. hebtse

* the. hebtse

* the. groote mate

7

Ghi hebt ons tot eenen twiste gheset, onsen nagebueren, Ende onse vianden bespotten ons.

8

God der heyrcrachten, bekeert ons, vertoonet uwe aenschijn, ⁺ ende wi sullen salich wesen

+ B

9

Ghi hebt eenen wijngaert wt Egipten veruoert, ende, hebt verdreuen die heydenen, ende den seluen gheplant.

10

Ghi hebt zijns weechs leytsman, in sinen aensichte gheweest, ende hebt geplant zijn wortelen, ende hi heeft dat lant veruult.

11

Die berghen zijn met sinen schaduwe gedect ende met sinen rancken die cederboomen Gods

12

Hi heeft sine spruyten wtgelaten, tot aen de zee, ende sine schueten tot aent watere.

13

Waeromme hebt ghi dan sine tuynen ghebroken ^* dat van hem wijnlesen, alle die voorbi den wech ghaen?)

* the. dattet hem breect alle datter voorby ghaet

14

Die beer wten bosch heeften wtgeroeyt, ende een sonderlike beeste heeft hem afgeknaghet.

15

God der heyrcrachten, keert v doch omme aenschouwet vanden hemel, ende siet aene, ende besoect desen wijnghaert.

16

Ende volmaect dien, die uwe rechter handt gheplant heeft, ende ouer den sone dien ghi voor v ghesterct hebt. [kolom]

17

Wat verbrant is met viere ende wtgegroeyt dat sal verghaen vanden berispen ws aensichts.

18

Laet uwe hant zijn ouer den man uwer rechter handt, ende op des menschen sone, dien ghi voor v ghesterct hebt.

19

Ende wi en ghaen niet van v, ghi sult ons leuende maken, ende uwen naem sullen wi aenroepen.

20

HEERE God der heyrcrachten, bekeert ons vertoont v aenscijn, ende wi sullen salich wesen.