De Vorsterman Bijbel

§ Ouer de Perse hooch te singen Asaph. Den .lxxx. psal. ⁺ § Exultate deo.

+ int heb. den lxxxi. psal.

2

⁺SInget vrolic Gode onsen hulpere, roept van blischappen Iacobs Gode.

+ A

3

Neemt die psalmen, ende gheeft herwaerts die tamboeren, den ghenoechliken Psalter met die harpe.

4

Blaeset in die nieuwe maenden met die Basoene, Inden grooten wtnemenden dach ^* ws hoochtijts.)

* thebr. ons hoochtijts

5

Want dat is een gheboth in Israel, ende een rechte des Gods Iacobs.

6

Dat heeft hi tot eenen getuygenisse geset onder Ioseph, doen hi wt troc in Egipten lant, ^* die tonghe die hi niet en conste verstaen, hoorde hi.)

* th. die tale die ick niet en verstont moeste ick hooren

7

Hi keerde sinen rugghe af vanden lasten, Sine handen ^* dienden inden korf.)

* theb liet hi vanden pot ghaen

8

Inder noot aenriept ghi mi, ende ick verloste v, ende verhoorde v, in die verborgentheyt des onweders, Ende ic proefde v aent water der werderspraken.

9

⁺Hoort mijn volck, ende ick sal v ghetuyghen Israel. Ist dat ghi mi hoort Israel,

+ B

10

soo en sal gheen ^* nieuwe) God onder v zijn, noch ghi en sult gheenen vremden God aenbidden,

* the. vremt

11

Want ick ben die HEERE v God, die v, wt Egipten lant geleydt hebbe, doet uwen mont wide open, ende ick sal hem vullen.

12

Maer mine volc en heeft mijn stemme niet ghehoort, Ende Israel en mercte op mi niet.

13

Ende ic hebse gelaten na haers herten begeerte, si sullen wandelen in haer nieuwe vonden

14

Hadde mijn volck mi gehoore ghegheuen, Ende Israel in mine weghen ghewandelt,

15

Ick hadde misscien haer vianden ^* om niet) verootmoediget, ⁺ Ende mine hant soude ick ouer haer verdruckers ghesonden hebben.

* h. terstont

+ C

16

Die vianden des HEEREN hebben hem geloghen, ende haeren tijt sal eewelic dueren.

17

Ende hi heftse ghespijst met die bloemen vanden tarwen, ende heeftse vanden steene met honich versaedet.