De Vorsterman Bijbel

§ Een psalm liedt Asaph, op der snarenspel, hooch te singen, Den .lxxv. Psalm. ⁺ § Notus in Iudea.

+ int heb. den lxxvi. psal.

2

⁺GOd is int Ioetsche lant bekent, in Israel is sinen naem ^* groot.)

+ A

* the. heerlic

3

Ende ^* zijn plaetse is in den vrede ghemaect) ende zijn wooninghe tot Sion.

* h. Tot Salem is zijn hutte

4

Aldaer brac hi crachten in stucken, die pilen des boochs, schilt, sweert, ende strijdt.

5

Ghi zijt ^* wonderlike verlichtende van de eewighe bergen,

* th. heerlijcker ende hoochmoediger, dan de roofberghen, Die hoochmoedighe worden berooft ende

6

alle die onwise van herte, zijn ver-[kolom]baest geworden) Si sliepen haeren slaep ende alle mannen en ^* hebben niet vanden rijcdommen in haer handen geuonden)

* th. vermoghen niet met haren handen

7

Van uwen scheldene God Iacob ^* sluymerden si die op de paerden clommen)

* th. viel in slaep paert ende waghen

8

Ghi zijt veruaerlic, wie sal v wederstaen, van dien tijt sal uwe gramschap openbaer zijn?

9

⁺Ghi hebt dat oordeel laten hooren vanden hemel, Dat aertrijc beefde, ende wert stille,

+ B

10

Doen God opstont totten oordeele, dat hi soude salich maken, alle die saechtmoedige.

11

^* Want tmenschelike geslachte sal v beliden, ende dat ouerblijf der gedachten sal v eenen feestdach vieren)

* theb. want dat ghi menscelijc gram zijt, salmen v dancken ende die ouerbleuen gramschap suldy om v gorden

12

Gelouet, ende betaelt den HEERE uwen God, Alle ghi die rontsom hem ghiften brenct. Den vreeseliken,

13

die wech haelt den ^* geest) der princen, den vreeseliken, bi den coninghen des aertrijcs.

* theb. moet