De Vorsterman Bijbel

§ Asaph psalm voor Idethum, hooch te singhen. § Den lxxvi. ⁺ § Voce mea ad dominum.

+ int heb. den lxxvij. psal

2

MEt mijnder stemmen heb ick totten HERE geroepen,

2

met mijnder stemmen tot God, ende hi heeft op mi ghemerct.

3

In den dagen mijnder noot, ⁺ sochte ic den HEERE met minen wtgerecten handen des nachts tegen hem, ende ^* ic en ben niet bedrogen) want mijn ziele weygerde haer te laten troosten.

+ A

* theb. ende en liet niet af.

4

Ic heb op God ghedacht ^* ende daer in wellustich geweest) ende minen geest wert ommachtich.

* the. ende ick ontsette ende ick sprack

5

⁺Mine oogen ^* voorquamen dat) waken ic ben verbaest, ende ic en sprac niet.

+ B

* the. houdt ghi, dat si

6

Ic heb gedacht der ouder dagen, ende die eewighe iaren heb ic in mijn ouerdencken ghehadt.

7

Ende ic gedacht snachts ^* met mijnder herten ende ic wert gheoeffent, ende keerde minen gheest)

* th. aen mijnder snarenspel, ende sprac met mijnder herten minen geest moet ondersoecken

8

Sal dan oock die HEERE eewelijck verworpen ^* oft en sal hi daer niet toedoen dat hi noch behaechlicker si?)

* th. ende gheen behaghen meer hebben

9

^* Oft sal hi zijn barmherticheyt int eynde afsniden, van gheslachte tot gheslachte?)

* th. Is dan zijn barmherticheyt geheel wt. Ende heeft dwoort altoos een eynde.

10

Oft sal Godt vergheten te ontfermen, oft sal hi zijn barmherticheyden bi hem houden in gramscap.

11

⁺Ende ic seide, ^* nv heb ic beghonst) dat is die veranderinghe der rechter hant des hoochsten.

+ C

* the. dat is mijn swacheyt

12

Ick heb gedachtich geweest der wercken des HEREN, want ic sal van den beghinsel uwer wercken gedachtich wesen.

13

Ende ick sal ^* ghedachtich zijn in) allen uwen wercken, ^* ende in uwe vonden sal ick geoeffent worden)

* th. spreken van

* h. ende seggen van uwen doene,

14

God uwen wech is inder heylicheyt, Wie is soo groote God, als onse God?

15

Ghi zijt die Godt die wonderen doet, ghi hebt uwe macht bekent ghemaect onder den volkcen.

16

Ghi hebt v volck verlost, door uwen arm, Die kinderen Iacobs ende Iosephs, Sela.

[p. A2r]

17

Die wateren sagen v God, die wateren saghen v, ende vreesdeden, ende die diepten zijn verschrict gheweest.

18

^* Die menichte des geluyts, der wateren,) die wolcken ^* ghauen stemmen) want uwe pijlen ⁺ ghinghen voorbi.

* the. die dicke wolcken goten water

* th. donderden.

+ (pylen) die blixemen.

19

Die stemme ws donders is aent radt ⁺, uwe blixemen lichten opten rinck des aertrijcs, Dat aertrijc roert hem ende beuet daer af.

+ (radt) dat is aenden hemel

20

Vwen wech is in die zee, ende uwen pat in veel wateren, ende men en sal uwe voetstappen niet bekennen.

21

Ghi leydet v volc, gelijck een cudde scapen, door Moysi ende Aarons hant.