De Vorsterman Bijbel

§ Eenen Psalm ende liedt Asaph, dat hi niet verdoruen en worde, Den .lxxiiij. Psalm. ⁺ § Confitebimur tibi.

+ int heb. den lxxv. psal.

2

^+* WI sullen v beliden God, wi sullen beliden) ende aenroepen uwen naem. Wi sullen vertellen uwe wonderlike dingen

+ A

* th. wi dancken v, wi dancken v

3

Als ick den tijt hebbe ghenomen, soo sal ick rechtuaerdicheyden oordeelen.

4

Dat aertrijcke is weeck geworden, ende alle die daer in woonen, Ick heb zijn calumnen gheuesticht,

5

Ick sprack totten quaden, En wilt niet quaet doen, ende totten ongodlijcken, ⁺ en wilt den horen niet verheffen.

+ (horen) dat is, gewelt, machte, ende heerschappie daer ghi v op verlaet.

6

En wilt uwen horen niet opwaerts int hooge verheffen, en spreect niet ^* ongerechticheyt teghen God)

* th. stijfneckich

7

Want verhooginge en coemt noch vant oosten noch vant westen, noch vanden verlaten berghen.

8

Want Godt is die rechter, Die desen vernedert, ende desen verheft.

9

Want inder hant des HEEREN is eenen kelck, ⁺ vol van ^* suyueren) wijn gemenghet. Ende hi ^* heeft genijcht al gietende van desen inden ghenen), Maer waerlijck sinen ghist en is niet verdwenen, daer af sullen ^* drincken) alle sondaren der aerden.

+ B

* th. stercken

* theb. ghiet daert wt.

* the. suygen ende drincken

10

Maer ic, sal inder eewicheyt vercondigen ende loeue singhen, Iacobs Gode.

11

Ende ic sal alle hoornen der ongodliken in stucken breken, ende die hoornen der gherechtighen sullen verheuen worden.