De Vorsterman Bijbel

§ Een onderwisinge Asaph. Den .lxxiij. Psal. ⁺ § Vt quid.

+ int heb. den lxxiiij. psal

1

⁺GOd, waeromme hebt ghi ons verstooten tot int eynde, ende uwe toornicheyt is vergramt geweest op de schapen uwer weyden

+ A

2

Gedenct uwer verghaderinge, die ghi ^* beseten) hebt van den beginne, Ghi hebt verlost die roede ws erffenisse, den berch Sion, daer ghi in woont.

* th. verworuen

3

Heft op v handen, tegen haer hoouaerdicheden tot in dat eynde, hoe veel quaetwillicheden heeft die viant bedreuen in die heylighe plaetse.

4

Ende die v haten hebben teghen v geglorieert int midden van uwen feestdagen, Si hebben haersselfs teekenen gestelt tot teekenen ^*

* ten is niet int hebree.

5

ende si en hebbens niet bekent, als inden wtganc opt hoochste) Ghelijck in eenen houtbosch,

6

hebben si die dueren met bijlen wtgehouwen int selue, Door bijle ende aexe, hebben sise neder geworpen.

7

Si hebben v ^* Sanctuarie) metten vier aengesteken, totter aerden hebben si den Tabernakel ws naems besmettet.

* th. heylichdom

8

⁺Si hebben in haer herten gheseyt ^* haer geheel maesschap te samen, laet ons doen rusten alle die feestdagen Gods in desen lande)

+ B

* the. Laetse ons tsamen beroouen, si verbranden alle die stat Gods inden landen

9

Onse teekenen, en sagen wi niet, ende daer en is gheen propheet meer ^* ende hi en sal ons niet meer kennen)

* h. ende onder ons en is gheen bekenner meer

10

God, hoe lange sal ^* die viant verwiten?) Hoe lange verwect hi uwen naem ten eynde tot gramschappen?

* the. ende die viant uwen naem, so geheel verlachteren

11

Waerom keert ghi v hant af, ende uwe rechter hant, vant midden van uwen schoot, tot int eynde?

12

Maer God onse coninc voor den beghinne des tijts ^* heeft onse salicheyt gewrocht, int midden des aertrijcs.)

* the. helpet midden inden lande.

13

Ghi hebt die zee ^* vast gemaect door v cracht, ende breket in stucken die hoofden der draken in die wateren

* th. gedeelt

14

^* Ghi braect in stucken die hoofden der draken) ende gheeft hem ter spijsen den volcke ^* der Morianen.)

* thebr. Ghi slaet in stucken die hoofden des Leuiathan.

* theb. inder wildernis.

15

Ghi hebt in stucken gheschoort fonteynen ende beken, ghi hebt verdroocht ^* die stroomen Ethan.)

* th. stercke stroomen.

16

Den dach behoort v, ende ooc den nacht, Ghi hebt gemaect die dageraet, ende die Sonne.

17

Ghi hebt ghemaect alle die eynden der werelt, ⁺ Somer ende winter hebdy ghemaect,

+ C

18

So ghedenct doch dies, dat die viant heeft den HEERE verweten, ende een sot volc he-

[p. A1v]

uet uwen naem ^* tot gramschapen verwect)

* the. ghelastert.

19

En wilt die ziele ^* de welcke v belijt) den dieren niet leueren, en verghetet der zielen uwer armer menschen niet tot int eynde.

* the. der tortelduyuen

20

Aenschouwet v ^* testament, want si zijn veruult die vander aerden verduystert zijn in die huysen der quaetheyt.)

* the. verbont want het is vol ongherechtighe huisen aen die duistere plaetsen des lants.

21

En laet den ootmoedigen niet achterwaert gekeert worden, als hi beschaemt geworden is, Die arme ende allendige, sullen uwen naem louen.

22

God staet op, ende oordeelt uwe sake, ghedenct uwe verwitinghen, die v, alle daghe, vanden onwisen gheschieden.

23

En verghetet die stemme uwer vianden niet, ^* die hoouaerdie) der ghenen die v haten, climt altijt opwaert.

* th. Dat getummel.