De Vorsterman Bijbel

§ Assaphs .lxxij. Psalm. ⁺ § Quam bonus Israel.

+ int. heb. den lxxiij. psal.

1

⁺HOe goet is die God van Israel, den ghenen die oprecht van herten zijn.

+ A

2

Maer mijn voeten zijn bina beroert, ende mijn ghanghen bina wtghestort.

3

Want met naerste verwonderde ick op die boose, doen ick sach der sondaren vrede.

4

Want daer en is gheen aenghemercke ⁺ in

+ th. metter doot en zijn si niet omuaen, ende staen vast gelijck een palleys

[p. A1r]

huer luyder doot, ende in huer plaghe is vasticheyt.)

5

Si en zijn niet in ^* arbeyt) der menschen, ende Si en sullen niet metten anderen menschen gheplaecht worden.

* th. ongeluc

6

Daerom heeftse haer hoouaerdie vast ghehouden, ⁺ ende si zijn ghedect met haer quaetheyt ende ongodlicheyt.

+ B

7

^* Als wt ruece, gheuet wt haer quaetheyt, ende si zijn in die begeerlicheden huerder herten ouer gheghaen.)

* the. Si willen ghesien zijn, om dat si so vet zijn si doen alle wat si dencken.

8

^* Si hebben ouerdacht, ende spraken schalcheyt, onrecht hebben si int hooge gesproen.)

* th. Si houdent al voor niet, ende segghen, quaet daer af, ende spreken met gewelt int hoghe

9

Si stelden haeren mont inden hemel, ende haer tonghe quam tot inder aerden.

10

⁺ Daerom sal mijn volck hier bekeert worden, ende in hen sullen volle daghen geuonden worden).

+ h. daerom keert hem haer volck derwaerts ende vinden waters genoech bi hen

11

Ende si seyden, hoe wetet God? is daer oock kennisse bi den hoochsten?

12

Siet, dat zijn die ongodlijcke, ende die oueruloeyende in die werelt, ende behouden den rijcdom.

13

Ende ick seyde, so heb ick dan te vergheefs mijn herte ^* gerechtueerdicht) ende mine handen onder den onschuldigen gewasschen?

* the. gereynicht

14

Ende ben ghegheesselt gheweest den gheheelen dach door, ende mijn castijnge was vroech in die morghenstonde.

15

⁺Oft ick dachte, ick salt alsoo vertellen, Siet soo verworp ic dat geslachte uwer kinderen.

+ C

16

Ick meynde dat ic dat bekennen soude, maer dat was moeyte voor mi.

17

Tot dat ich ghinck in die heylighe plaetse Gods, ende sal verstaen haer wterste.

18

^* Maer om die bedriechlicheden hebdijt hen gheset) ghi hebtse neder gheworpen, ^* doen si hen verhieuen.)

* the. Maer ghi steldet haer dinck opt onsekere

* ten is niet int hebree.

19

Hoe zijn si haestelijc soo woeste gheworden, terstont ghebraken si, si zijn verghaen ^* om haerder ongerechticheyt.)

* th. met verschricken

20

⁺Ghelijck eenen droom der ghenen die wten slaep ontwaken, So sult ghi HEERE haer beelden in uwe stadt ^* te niet doen.)

+ D

* th. veracht maken

21

Want mijn herte is aengesteken, ende mine nieren zijn verandert,

22

Ende ick ben ^* te niet ghedaen, ende en wistes niet)

* th. een sot die niet en weet

23

Een dier ben ick by v gheworden. Ende ick ben altoos by v,

24

ghi hebt vast gehouden mijn rechter hant. Ende ghi leidet mi na uwen ^* wille) ende hebt mi wederomme met eere ontfanghen.

* thebr. raet

25

Want wat heb ick inden hemel? ende opter aerden, wat wilde ick anders ^* van v.)

* the. dan v.

26

Mijn vleesch ende mijn herte is gebreckelick gheworden, God mijns ^* herten,) ende deel inder eewicheyt. [kolom]

* the. herten bescermer.

27

Want siet, die hen van v veruerren, sullen verghaen, ghi hebt vernielt alle die ghene die in oncuyscheyt van v scheyden.

28

Maer het is mi goet, dat ic in God gheuesticht bliue, ende mijn toeuerlaet sette, op den HEREE, dat ic vercondige alle uwe ^* groote louen inder poorten der dochteren van Sion.)

* th. wercken