De Vorsterman Bijbel

§ Dauids .lxiiij. ⁺ Psalm liedt Hooch te singhen. Te decet hymnus deus.

+ int heb. den lxv.

2

⁺GOd, v betaemt lofsanck in Sion,ende die ghelofte sal v betaelt worden, ^* in Ierusalem.)

+ A

* ten is niet int hebree

3

Verhoort mijn gebet, tot v sal allle vleesch comen.

4

Die woorden ^* der ongodlijcker menschen) waren machtich, ouer ons gheworden, ende ghi sult goedertieren worden, ouer onse sonden.

* th. der misdaden

5

Salich is hi dien ghi vercoren hebt ende opghenomen, hi sal woonen, in uwe vrijthouen. Wi sullen veruult worden in die ghoeden ws huys, uwen tempel is heilich,

6

ende wonderlijck inder rechtueerdicheyt. ⁺ Verhoordt ons God, onse salichmaker, hope van allen eynden der werelt, ende diepte inder zee.

+ B

7

Die die berghen bereyt in uwer cracht, omgordet met machticheyt,

8

die verstoort die diepte der zee, ende tgeluyt van haeren vloeden

[p. Ii7r]

Die volcken sullen verbaest zijn,

9

ende si sullen vreesen van uwen teekenen die inde eynden woonen, Ghi sult die wtgangen des morghens ende des auonts vrolijck maken.

10

Ghi hebt daertrijc besocht ende gheuult met watere, ghi hebt dat menichfuldelijck rijck ghemaect. De vloet Godts is veruult met wateren, Ghi hebt haer spise bereyt, want also is haer bereydinghe.

11

Maect oueruloedelic vol zijn ^* riueren) vermenichfuldicht ^* zijn vrucht), in zijn druppelen sal dat vruchtbarige verbliden.

* the. voren

* th. tgeploechde

12

⁺Ghi sult ghebenedien die croone des iaers uwer goedertierenheyt, ende uwe velden sullen veruult worden met oueruloedighe vruchtbaerheyt.

+ C

13

De ^* scoonste plaetsen) der woestinen sullen vet worden, ende die houelen sullen omuaen worden met vrolicheyt.

* theb. wooninghe

14

^* De wederen scapen zijn gecleet met wolle) ende die dalen sullen veruult worden met grane, Si sullen roepen ende segghen den lofsanck.

* th. vol zijn de ackers van schapen