De Vorsterman Bijbel

§ Dauids .lxv. Psalm liedt. ⁺ § Iubilate deo omnis terra.

+ int heb. den lxvi. psalm

2

⁺IVbileert Gode alle aertrijc, segt eenen lofsanc ter eeren zijns naems, gheeft sinen loue de heerlicheyt. ⁺

+ A

+ Iubileren is roepen van blijschapen.

3

Segt tot God, hoe ^* veruaerlijck) zijn uwe wercken ^* inder menichte uwer crachten sullen v uwe vianden lieghen.)

* h. wonderlijck

* h. om uwe groote machten wille sullen uwe vianden missen

4

Alle landt aenbede v, ende lofsinghe v, Segt eenen lofsanck ter eeren uwen naeme.

5

Coemt herwaerts, ende aensiet die wercken Gods die soo ^* grouwelijck) is in zijn raden van die kinderen der menschen.

* h. wonderlijck

6

Hi heeft verandert die zee int drooge, si sullen te voete ouer dat water gaen, daer sullen wi ons in hem verblijden.

7

Hi die heerscappie heeft in zijn crachte eewelijcken, zijn ooghen sien op die volcken, die hem ^* verwiten) en sullen in hem seluen niet verheuen worden.

* th. wederspannich zijn

8

⁺Ghi heydenen ghebenedijt onsen God, ende doet datmen hoore die stemme zijns lofs.

+ B

9

Die mijn ziele int leuen ^* ghestelt) heeft, ende en ghaf mijn voeten niet tot beroeringhe.

* the. gehouden

10

Want God ghi hebt ons gheproeft, ende hebt ons metten viere ondersocht, ghelijck dat siluer ondersocht wort.

11

Ghi hebt ons gebracht in eenen strick, Ghi hebt op onse rugghen liden gheleyt.

12

Ghi hebt menschen ouer ons hoofden gestelt, ⁺ Wi zijn door vier ende water gecomen, maer ghi hebt ons gheleyt, in die vercoelinghe. [kolom]

+ C

13

Ick sal met offerhanden diemen branden sal in v huys gaen, ende sal betalen v die geloften

14

die mijn lippen onderscheyden hebben. Ende minen mont heeft ghesproken in mijnen druck,

15

Ick sal v offeren ghemerchde offerhande om heel te verbranden metten aengesteken offer van wederen, Ick sal v offeren ossen ende bocken.

16

⁺Coemt herwaerts, hooret toe, ghi alle die God vreest, Ick salt vertellen, dwelcke hy mijnder zielen ghedaen heeft.

+ D

17

Tot hem riep ic met minen monde, ^* ende ick ben verhuecht geweest onder mijn tonge)

* th. ende hi is verhoocht met mijnder tongen

18

Ist dat ick donrecht aensie met mijnder herten, So en sal die HEERE niet hooren.

19

Daeromme verhoordt mi Godt, ende aenmerct die stemme mijns biddens.

20

Geloeft si God die mijn gebet niet afgekeeret en heeft, noch zijn barmherticheit van mi.