De Vorsterman Bijbel

§ Dauids .lxiij. Psal. ⁺ Hooch te singhen.§ Exaudi deus.

+ int heb. den lxiiij. Psal.

2

⁺GOd, verhoort mijn ghebet, als ick bidde, verlost mijn ziele voor die vreese des viants.

+ A

3

^* Ghi hebt mi beschermt) voor die vergaderinghe der quader, ende vander menichte der ghenen die boosheyt wercken.

* th. beschermet mi

4

Want si maecten haer tonghen scherp ghelijc een sweert, si hebben haer ^* boghen gespannen) die een bitter dinck zijn,

* theb. pilen gheoocht

5

om dat si den onbeuleckten, int verborghen souden schieten.

6

Onuerhoets sullen si hem schieten ende niet vreesen, si hebben een schalcke reden, voor hem vastghemaect. Si vertelden, hoe dat si stricken legghen souden, ende seyden, wie salse sien?

7

⁺Si hebben ondersocht boosheden, ende als si ondersochten, zijn si in ghebreckelijcheden gheuallen, met haerder ondersoeckinghe. Die mensche sal ghaen tot een hooghe herte

+ B

8

ende God sal verheuen worden. Die gheschutten der cleynder kinderen zijn haer plaghen gheworden,

9

ende haer tongen zijn teghen haer kranck geworden, Si zijn alle verbaest gheweest diese saghen,

10

ende alle mensche vreesde. Ende si hebben vercondicht Godts wercken, ende verstonden sine daden.

11

Die rectueerdighe sal verblijden inden HEERE, ende hopen in hem, ende alle die ghene die oprecht van herten zijn, sullen ghepresen worden.