De Vorsterman Bijbel

§ Dauids .lxij. Psalm, ⁺ doen hi was in die woestine.§ Deus deus meus ad te de luce vigilo.

+ int heb. den lxiij..Psal.

2

⁺O God mijn God ^* ic wake tot v vanden lichte), Mijn ziele heeft dorst ghehadt tot v, ende mijn vleesch ^* in veelderhande maniere,

+ A

* the. vroech soecke ic v

* th. verlanget menichfuldichlijc in een woestelant.

3

In een woeste lant) sonder wegen ende sonder water, ende so heb ick v gheopenbaert gheweest, in die heylighe plaetse, op dat ick sien soude, uwe cracht ende uwe eere.

4

Want uwe barmherticheit is beter, dan dat leuen, mijn lippen sullen v louen.

5

Aldus sal ick v louen, in minen leuen, ende ic sal mijn handen in uwen name opheffen.

6

Laet mijne ziele vol worden, ghelijc met smeer ende vette, ende minen mont sal met vrolijcken lippen louen.

7

Aldus ghedachte ick ws, op mijn bedde, inden morghenstont oeffende ick mijn gedachten in v,

8

Want ghi zijt mijn hulper gheweest. ⁺ Ende onder die schaduwe uwer vloghelen sal ick vrolijck wesen,

+ B

9

mijn ziele is gheuesticht aen v, uwe rechter hant heeft mi ontfanghen.

10

Maer si sochten mijn siele te vergheefs, Si sullen in dat nederste der aerden ingaen

11

Si sullen in die hant des sweerts gheleuert worden, ende der vossen deelen wesen.

12

Maer die coninck sal hem in God verblijden, ⁺ si sullen alle ghepresen worden, die in hem sweren. Want den mont der ghenen die valsch spreken, is ghestopt.

[kolom]

+ Deuter. x.